கொரோனா நோயாளிகளுக்கு மருந்து கொடுக்கும் ரோபோ.. திருச்சி கம்பெனி தயாரிப்பு..

by எஸ். எம். கணபதி, Mar 30, 2020, 10:11 AM IST

திருச்சியில் தனியார் சாப்ட்வேர் கம்பெனி, கொரோனா நோயாளிகளுக்கு மருந்து கொண்டு செல்லும் ரோபோக்களை தயாரித்து அரசு மருத்துவமனைக்கு இலவசமாகக் கொடுத்துள்ளது.

திருச்சியில் உள்ள புரபெல்லர் டெக்னாலஜிஸ் என்ற தனியார் நிறுவனம், பலவிதமான ரோபோக்களை தயாரித்து வருகிறது. கொரோனா தடுப்பு நடவடிக்கைக்குப் பயன்படுத்தும் வகையில் ஜாபி என்ற ரோபோவை தயாரித்து, அவற்றை இலவசமாக அரசு மருத்துவமனைக்கு வழங்குவதாக இந்நிறுவனம் தெரிவித்தது.கொரோனா சிறப்பு அரசு மருத்துவமனையில் தனிமைப்படுத்தப்பட்டவர்களுக்கு உணவு, மருந்துப் பொருட்களை இந்த ஜாபி ரோபோக்களை பயன்படுத்தலாம் என்றும் தெரிவித்தது. இந்த ரோபோக்கள், வாய்ஸ் இன்ட்ராக்டிவ் தொழில் நுட்பத்தில் செயல்படுகின்றன. இவற்றை மொபைல் மூலமாக கண்ட்ரோல் பண்ணலாம்.


இந்த ரோபோக்களை திருச்சி மாவட்டக் கலெக்டர் சிவராசு நேற்று பார்வையிட்டார். திருச்சி அரசு மருத்துவமனையில் நோயாளிகளுக்கு இந்த ரோபோக்கள் தண்ணீர் கொண்டு சென்றன. இவை வெற்றிகரமாகச் செயல்படவே, அரசு மருத்துவமனைகளுக்குப் பயன்படுத்த முடிவு செய்யப்பட்டிருக்கிறது.இது குறித்து அந்த தனியார் நிறுவனத்தின் பொறியாளர் குருமூர்த்தி கூறுகையில், கொரோனா தொற்று காரணமாகத் தனிமைப்படுத்தப்பட்டவர்களுக்கு மருந்து, உணவுப் பொருட்களைக் கொண்டு சென்று கொடுப்பதற்கு இவை உதவும். இதனால், மருத்துவப் பணியாளர்கள் நோயாளிகளின் அருகில் செல்வதைக் கூடிய வரை தவிர்க்கலாம். ஓரிரு நாட்களில் இந்த ரோபோக்கள் முழுமையாகப் பயன்பாட்டுக்கு வரும்” என்றார்.

சீனா உள்ளிட்ட பல நாடுகளில் இது போன்ற ரோபோக்களை ஏற்கனவே பயன்படுத்தி வருகின்றனர் என்பது குறிப்பிடத்தக்கது.


Speed News

  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST
  • ஒரு லட்சத்து 6,750 பேருக்கு

    கொரோனா பரவியது..

    நாடு முழுவதும் கொரோனா பாதித்தவர்களின் எண்ணிக்கை ஒரு லட்சத்து  1,139 பேரில் இருந்து  ஒரு லட்சத்து 6,750 பேராக அதிகரித்துள்ளது. குணமடைந்தவர்களின் எண்ணிக்கை 39,174ல் இருந்து 41,298 ஆக அதிகரித்து்ள்ளது. கொரோனாவால் பலியானவர்களின் எண்ணிக்கை  3,163ல் இருந்து 3,303 ஆக உயர்ந்துள்ளது.

    May 20, 2020, 13:42 PM IST
  • மகாராஷ்டிராவில் கொரோனாவுக்கு

    1325 பேர் உயிரிழப்பு

    நாட்டிலேயே மகாராஷ்டிராவில்தான் மிகவும் அதிகமானோருககு கொரோனா பரவியிருக்கிறது. இது வரை 37,136 பேருக்கு கொரோனா தொற்று கண்டறியப்பட்டிருக்கிறது. இதில் 1325 பேர் சிகிச்சை பலனின்றி உயிரிழந்துள்ளனர். காவல்துறையில் மட்டும் 1388 பேருக்கு கொரோனா பரவியிருக்கிறது. இதில் 428 பேர் குணமடைந்துள்ளனர். 12 பேர் பலியாகியுள்ளனர். 

    May 20, 2020, 13:37 PM IST