கொங்கு மண்டலத்தில் தொடர்ந்து பரவும் கொரோனா..

corona cases decreasing in tamilnadu in last week.

by எஸ். எம். கணபதி, Oct 16, 2020, 09:15 AM IST

கொங்கு மண்டலத்தில் கொரோனா பரவல் தொடர்ந்து நீடித்து வருகிறது. கோவை, ஈரோடு மாவட்டங்களில் தினமும் நூற்றுக்கும் மேற்பட்டோருக்குப் பரவி வருகிறது. தமிழகத்தில் கடந்த ஜூலை 22ம் தேதி முதல் தினமும் புதிதாக 5 ஆயிரம் பேருக்குக் குறையாமல் தொற்று கண்டறியப்பட்டு வந்தது. ஆகஸ்ட் இறுதியில் இது 7 ஆயிரத்தைத் தாண்டியது. கடந்த ஒரு வாரமாகப் புதிதாகத் தொற்று பாதிப்பவர்கள் எண்ணிக்கை படிப்படியாகக் குறைந்து, கடந்த அக்.12ம் தேதி முதல் முறையாக 5 ஆயிரத்துக்குக் கீழ் சென்றது. நேற்று 4410 பேருக்கு கொரோனா தொற்று கண்டறியப்பட்டது. மாநிலம் முழுவதும் இது வரை 6 லட்சத்து 74,802 பேருக்குத் தொற்று பாதித்திருக்கிறது.

அதே சமயம், தொற்றில் இருந்து குணம் அடைபவர்களின் எண்ணிக்கையும் அதிகரித்து வருகிறது. கொரோனா மருத்துவமனைகளிலிருந்து நேற்று டிஸ்சார்ஜ் ஆன 5055 பேரையும் சேர்த்து, இது வரை 6 லட்சத்து 22,458 பேர் குணம் அடைந்துள்ளனர். நோய்ப் பாதிப்பால் நேற்று 49 பேர் பலியானார்கள். மொத்தத்தில் இது வரை 10,472 பேர் உயிரிழந்துள்ளனர். தற்போது மாநிலம் முழுவதும் 41,872 பேர் சிகிச்சையில் உள்ளனர். சென்னையில் நேற்று புதிதாக 1148 பேருக்கும், செங்கல்பட்டு மாவட்டத்தில் 255 பேருக்கும், திருவள்ளூர் 192, காஞ்சிபுரம் 112, கோவையில் 395, ஈரோடு 126, திருப்பூர் 146, நாமக்கல் 148, சேலம் 263, கடலூர் 120, வேலூர் மாவட்டத்தில் 114 பேருக்கும் கொரோனா தொற்று கண்டறியப்பட்டது. 11 மாவட்டங்களைத் தவிர மற்ற மாவட்டங்களில் நூற்றுக்கும் குறைவானோருக்கு நேற்று தொற்று உறுதி செய்யப்பட்டது.

சென்னையில் இது வரை ஒரு லட்சத்து 86,667 பேருக்கும், செங்கல்பட்டில் 40,416 பேருக்கும், திருவள்ளூர் மாவட்டத்தில் 35,545 பேருக்கும் தொற்று பாதித்திருக்கிறது.
மாநிலம் முழுவதும் 86067 பேருக்கு நேற்று கொரோனா பரிசோதனை செய்யப்பட்டிருக்கிறது. இது வரை மொத்தத்தில் 8 லட்சத்து 42,924 பேருக்குப் பரிசோதனை செய்யப்பட்டுள்ளது. பரிசோதனைகள் எண்ணிக்கை அதிகரித்த போதிலும், புதிதாகத் தொற்று பாதிக்கப்படுபவர்கள் எண்ணிக்கை குறைந்து வருவது குறிப்பிடத்தக்கது.தற்போது, மகாராஷ்டிரா, கேரளா, ஆந்திரா, கர்நாடகா போன்ற மாநிலங்களில்தான் கொரோனா பாதிப்பு இன்னும் அதிகமாகி வருகிறது.

You'r reading கொங்கு மண்டலத்தில் தொடர்ந்து பரவும் கொரோனா.. Originally posted on The Subeditor Tamil

More Tamilnadu News


அண்மைய செய்திகள்

அதிகம் படித்தவை