திருவண்ணாமலையில் நடைபெறும் கார்த்திகை தீபத் திருநாளை முன்னிட்டு தென்னக ரயில்வே விழுப்புரம் மற்றும் வேலூரிலிருந்து திருவண்ணாமலைக்கு சிறப்பு ரயில் சேவைகளை அறிவித்துள்ளது.
நவம்பர் 22 மற்றும் 23 ஆகிய இருநாட்களும் இருமார்க்கத்திலும் சிறப்பு ரயில் இயக்கப்படும். இந்த ரயில் காலை 7 மணிக்கு விழுப்புரத்திலிருந்து புறப்பட்டு வெங்கடேசபுரம், மாம்பழப்பட்டு, அயான்டூர், திருக்கோவிலூர், ஆதிச்சனூர், அண்டம்பள்ளம் மற்றும் தண்டரை மார்க்கமாக நண்பகல் 12 மணிக்கு திருவண்ணாமலையை வந்தடையும். மறு மார்க்கத்தில் பிற்பகல் 1 மணிக்கு திருவண்ணாமலையிலிருந்து புறப்பட்டு, அதே வழியில் விழுப்புரம் சந்திப்பை 2:45 மணிக்கு வந்தடையும்.
நவம்பர் 22, 23 மற்றும் 24 தேதிகளில் ஒரு ரயில் இயக்கப்படும். இது நவம்பர் 22 மற்றும் 23ம் தேதிகளில் விழுப்புரம் சந்திப்பிலிருந்து இரவு 10 மணிக்குப் புறப்பட்டு திருவண்ணாமலையை இரவு 11:40 மணிக்கு வந்தடையும். நவம்பர் 23 மற்றும் 24ம் தேதிகளில் அதிகாலை 4:15 மணிக்கு திருவண்ணாமலையிலிருந்து புறப்பட்டு அதிகாலை 5:55 மணிக்கு விழுப்புரத்தை வந்தடையும்.
நவம்பர் 22 மற்றும் 23ம் தேதிகளில் வேலூரிலிருந்து திருவண்ணாமலைக்கு மின்தொடர் வண்டிகளும் இயக்கப்பட உள்ளன. வேலூர் கண்டோன்மெண்ட்டிலிருந்து இரவு 9:30 மணிக்குப் புறப்படும் மின்சார ரயில் கணியம்பாடி, கண்ணமங்கலம், ஆரணி சாலை, போளூர், அகரம் மற்றும் துரிஞ்சாபுரம் ரயில் நிலையங்கள் வழியாக இரவு 11:20 மணிக்கு திருவண்ணாமலையை வந்தடையும்.
திருவண்ணாமலையிலிருந்து அதிகாலை 4:15 மணிக்கு புறப்பட்டு அதிகாலை 5:55 மணிக்கு வேலூர் கண்டோன்மெண்ட்டை வந்தடையும் என்று ரயில்வே வெளியிட்டுள்ள செய்தி குறிப்பில் கூறப்பட்டுள்ளது.
