நீதிமன்ற அவமதிப்பு வழக்கில் ஆஜராகாத உயர் கல்வித்துறை செயலாளர் மங்கத்ராம் சர்மாவை கைது செய்ய சென்னை உயர் நீதிமன்றம் உத்தரவிட்டுள்ளது.
கோவை பாரதியார் பல்கலைக்கழக தொலைதூரக் கல்வி மையத்திற்கு உயர் நீதிமன்ற தடையை மீறி செனட் கூட்டத்தில் அனுமதி வழங்கப்பட்டுள்ளது. இதை எதிர்த்து சென்னை உயர் நீதி மன்றத்தில் தொடரப்பட்ட நீதிமன்ற அவமதிப்பு வழக்கு நீதிபதி கிருபாகரன் முன்னிலையில் விசாரணைக்கு வந்தது.
இதில் உயர் கல்வித்துறை செயலாளர் மங்கத்ராம் சர்மா ஆஜராக வில்லை. இதைத் தொடர்ந்து மங்கத்ராம் சர்மாவை கைது செய்து வரும் 9-ந் தேதி ஆஜர் படுத்துமாறு நீதிபதி கிருபாகரன் உத்தரவிட்டார்.
