கடந்த ஆண்டு செப்டம்பர் மாதம் சீனாவில் அறிமுகம் செய்யப்பட்ட ரியல்மீ எக்ஸ்7 ப்ரா 5 ஜி மற்றும் ரியல்மீ எக்ஸ் 7 5ஜி ஆகிய ஸ்மார்ட்போன்கள் இந்தியாவில் அறிமுகம் செய்யப்பட்டுள்ளன. குவாட் ரியர் காமிரா கொண்ட ரியல்மீ எக்ஸ்7 ப்ரோ 5 ஜி பிப்ரவரி 10ம் தேதி நண்பகல் 12 மணி முதல் விற்பனையாக உள்ளது. ஃபிளிப்கார்ட் தளத்தில் 70 சதவீத விலையை தற்போது செலுத்தி வாங்கக்கூடிய சலுகையுடன் கிடைக்கும்.
ரியல்மீ எக்ஸ்7 ப்ரோ ஸ்மார்ட்போனின் சிறப்பம்சங்கள்:
சிம்: இரட்டை நானோ சிம்
தொடுதிரை: 6.55 அங்குலம் எஃப்எச்டி+ AMOLED; 120 Hz ரெஃப்ரஷ் ரேட்; 240Hz டச் சாம்ப்ளிங் ரேட்
பிரைட்னஸ்: 1,200 nits
இயக்கவேகம்: 8 ஜிபி
சேமிப்பளவு: 128 ஜிபி
முன்புற காமிரா: 32 எம்பி ஆற்றல்
பின்புற காமிரா: 64 எம்பி + 8 எம்பி + 2 எம்பி + 2 எம்பி (குவார் காமிரா)
பிராசஸர்: ஆக்டா-கோர் டைமன்சிட்டி 1000+ SoC மற்றும் மாலி-ஜி77 கிராபிக்ஸ்
இயங்குதளம்: ரியல்மீ யூஐ; ஆண்ட்ராய்டு 10
மின்கலம்: 4,500 mAh
சார்ஜிங்: 65W
டூயல் பேண்ட் வைஃபை, புளூடூத் 5.0, ஜிபிஎஸ், என்எஃப்சி, யூஎஸ்பி டைப்-சி அம்சங்கள் கொண்ட ரியல்மீ எக்ஸ்7 ப்ரோ 5 ஜி, ரூ.29,999/- விலையில் கிடைக்கும். உடனடியாக செலுத்தவேண்டிய 70 சதவீத விலை என்றால் ரூ.20,999/- செலுத்தி பெற்றுக்கொண்டு மீதத்தொகையை பிறகு செலுத்தலாம். ஐசிஐசிஐ வங்கி கார்டுகளுக்கு ரூ.2,000/- மற்றும் ஆக்ஸிஸ் வங்கி கார்டுகளுக்கு ரூ.1,500/- உடனடி தள்ளுபடி கிடைக்கும்.
