`சீமராஜா’ படத்தைத் தொடர்ந்து நடிகர் சிவகார்த்திகேயன் ஸ்டூடியோ கிரீன் தயாரிப்பில் இயக்குநர் எம்.ராஜேஷ் இயக்கத்தில் நயன்தாராவுடன் `மிஸ்டர்.லோக்கல்’ என்னும் படத்தில் நடித்து முடித்திருக்கிறார். மிஸ்டர் லோக்கல் திரைப்படம் மே 1-ம் தேதி திரைக்கு வருகிறது.
இதனைத்தொடர்ந்து இயக்குநர் ரவிகுமார் இயக்கத்தில் சயின்ஸ் ஃபிக்சன் படம் ஒன்றில் நடித்து வருகிறார். அந்த படத்துக்கு ஏ.ஆர்.ரஹ்மான் இசையமைக்கிறார் சிவகார்த்திகேயனுக்கு ஜோடியாக ரகுல் ப்ரீத்சிங் நடிக்கிறார். இதனைத் தவிர, `இரும்புத்திரை’ இயக்குநரின் படத்திலும் சிவகார்த்திகேயன் நடிக்கிறார். தற்போது சிவகார்த்திகேயனின் 16 வது படத்தை சன் பிக்சர்ஸ் தயாரிக்க உள்ளதாக அறிவிப்பு வெளியாகியுள்ளது. இயக்குநர் பாண்டிராஜ் இப்படத்தை இயக்குகிறார். `மெரினா’, ’கேடி பில்லா கில்லாடி ரங்கா’ ஆகிய படங்களைத் தொடர்ந்து மூன்றாவது முறையாக இயக்குநர் பாண்டிராஜ் - சிவகார்த்திகேயன் கூட்டணி இணைகிறது. இதனால் சிவகார்த்திகேயனின் ரசிகர்கள் உற்சாகத்தில் உள்ளனர்.
