Wednesday, May 12, 2021

தெய்வ மகள் சீரியல் நாயகியின் படத்தில் வில்லனாக அறிமுகமாகும் வெங்கட் பிரபு

Director Venkat Prabhu to play Baddie in NitinSathya movie

by Sakthi Apr 23, 2019, 10:21 AM IST

நிதின்சத்யா தயாரிப்பில் முதன்முறையாக இயக்குனர் வெங்கட்பிரபு வில்லன் வேடத்தில் நடிக்கிறார். 

வெங்கட் பிரபு

சினிமாவில் நடிப்பு மட்டுமன்றி தயாரிப்பாளராகவும் தன்னை நிலைநிறுத்தி கொண்டுள்ளார். "ஜருகண்டி" படத்திற்கு பிறகு தற்போது தனது தயாரிப்பு நிறுவனமான "ஷ்வேத் - எ நிதின்சத்யா புரொட்கஷன் ஹவுஸ்" சார்பாக நிதின்சத்யா புதிய படமொன்றை பெரும் பொருட்செலவில் பிரம்மாண்டமாக தயாரிக்கிறார்.

தனது தயாரிப்பில் உருவாகும் இரண்டாவது படமான இப்படத்தில் வைபவ் முதன்முறையாக காவல் அதிகாரி கதாபாத்திரத்தில் கதாநாயகனாக நடிக்கிறார். தெய்வ மகள் சீரியல் புகழ் வாணி போஜன் கதாநாயகியாக நடிக்க, உடன் ஈஸ்வரி ராவ், பூர்ணா, மைம் கோபி ஆகியோர் முக்கிய கதாபாத்திரத்தில் நடிக்கின்றனர். வைபவை தெறிக்கவிடும் வில்லனாக இயக்குனர் வெங்கட்பிரபு நடிக்கின்றார். இவர் வில்லனாக நடிக்கும் முதல் படம் இது என்பது குறிப்பிடத்தக்கது.

இப்படத்திற்காக பல நட்சத்திரங்கள் கைக்கோர்த்துள்ளது ரசிகர்களிடையே படத்தின் எதிர்பார்ப்பை மென்மேலும் கூட்டியுள்ளது. சஸ்பென்ஸ் திரில்லராக உருவாகும் இப்படத்தை பிரபல இயக்குனர் மோகன் ராஜாவிடம் இணை இயக்குனராக பணியாற்றிய சார்லஸ் இயக்கி தமிழ் சினிமாவிற்கு இயக்குனராக அறிமுகமாகிறார். தற்போது இப்படத்தின் 70% படப்பிடிப்பு முடிவடைந்துள்ளது. இன்னும் பெயரிடப்படாத இப்படத்தில் இசையமைப்பாளர் ஆரோல் கரோலி இசையமைக்க, சந்தானம் சேகர் ஒளிப்பதிவை மேற்கொள்கிறார். இப்படத்தின் முதல் பார்வை டைட்டில் போஸ்டர் விரைவில் வெளியாகவுள்ளது.

இடைத் தேர்தலை கோட்டைவிட்டதால், இந்த தேர்தலை குறிவைக்கும் வைபவ்வின் ஆர்.கே.நகர்  

You'r reading தெய்வ மகள் சீரியல் நாயகியின் படத்தில் வில்லனாக அறிமுகமாகும் வெங்கட் பிரபு Originally posted on The Subeditor Tamil

More Cinema News

அண்மைய செய்திகள்

அதிகம் படித்தவை