விஜய் ஆண்டனி, அர்ஜுன் நடிப்பில் மிரட்டலாக உருவாகி உள்ள கொலைகாரன் பட ட்ரெய்லரை தற்போது நடிகர் மாதவன் தனது சமூக வலைதள பக்கங்களில் வெளியிட்டார்.
ஆண்ட்ரூ லூயிஸ் இயக்கத்தில் விஜய் ஆண்டனி, அர்ஜுன், நாசர் மற்றும் அஷிமா நர்வால் நடித்துள்ள கொலைகாரன் படத்தின் ட்ரெய்லர் தற்போது வெளியாகி உள்ளது. நடிகர் மாதவன் தனது ட்விட்டர் பக்கத்தில் மாலை 6 மணிக்கு கொலைகாரன் படத்தின் ட்ரெய்லரை வெளியிட்டார்.
காதலியின் மரணத்திற்கு விஜய் ஆண்டனி டெக்னிக்கலாக பழிவாங்குவது போல கதை அமைக்கப்பட்டுள்ளது ட்ரெய்லரின் வழியாக தெரிய வருகிறது. சமீபத்தில் வெளியான அருண் விஜய்யின் தடம் படத்திலும் காதலியின் கொலைக்கு நாயகன் பழிவாங்கிவிட்டு, தனது சகோதரனின் உருவ ஒற்றுமையை பயன்படுத்தி தப்பித்துக் கொள்வது போல திரைக்கதை அமைக்கப்பட்டிருந்தது.
கொலைகாரன் படம் என்ன மாதிரியான திரைக்கதையை கொண்டு உருவாக்கப்பட்டுள்ளது என்பது படம் வெளியானவுடன் தெரிந்து விடும்.
வரும் மே மாதம் கொலைகாரன் படம் வெளியாகும் என அறிவிக்கப்பட்டுள்ளது.
