நான் கர்ப்பமா? எப்ப கண்டுபிடித்தாய்? ட்விட்டரில் கடுப்பான சமந்தா

by எஸ். எம். கணபதி, Jun 11, 2019, 13:11 PM IST

நடிகை சமந்தா கர்ப்பமாக இருக்கிறார் என்று ஆன்லைன் மீடியாவில் செய்தி வெளியானது. இதைப் பார்த்த சமந்தா உடனே கொதித்து போய் ட்விட்டரில் திட்டி தீர்த்திருக்கிறார்.

சமந்தா-நாக சைதன்யா ஆகியோர் கடந்த 2017ம் ஆண்டில் திருமணம் செய்து கொண்டனர். கடந்த ஆண்டில் ஒரு பேட்டியில் சமந்தா கூறுகையில், ‘‘நாங்கள் எப்போது குழந்தை பெற்று கொள்வது என்பது குறித்து முன்பே முடிவு செய்து விட்டோம். குழந்தை எப்போது பிறக்க வேண்டும் என்பதை தீர்மானித்து வைத்திருக்கிறோம். எனவே, அந்த நாள் வரும் வரை குழந்தை என்ற பேச்சுக்கு இடமில்லை’’ என்று கூறியிருந்தார்.

இந்நிலையில், சமந்தா நடித்த ‘ஓ பேபி’ படம் வெளியாவதற்கு முன்பு அதன் டீசர் கடந்த மாதம் வெளியானது. அதை ஷேர் செய்த, அவரது கணவர் நாக சைதன்யா அதில் சமந்தாவை ‘பேபி’ என்றே குறிப்பிட்டிருந்தார்.

இதையடுத்து, ட்விட்டர் ஹேண்டிலை ‘பேபி அக்கினேனி’ என சமந்தா மாற்றியிருந்தார். இதைப் பார்த்ததும் அவர் கர்ப்பமாக இருக்கிறார் என்ற வதந்தி டோலிவுட்டில் பரவியது. ஆனால், ‘ஓ பேபி’ படத்தை புரமோட் செய்வதற்காகத்தான் சமந்தா இப்படி செய்திருந்தார் என்றும் கூறப்பட்டது.

இந்நிலையில், சமந்தா கர்ப்பமாக இருக்கிறார் என்று சினிமா இணையதளம் ஒன்றில் ஒரு செய்தி வெளியிடப்பட்டிருந்தது. அதை பார்த்து கடுப்பான சமந்தா உடனடியாக அதை டேக் செய்து, ‘டாமின்... அவர் கர்ப்பமாக இருக்கிறாரா? எப்ப நீ கண்டுபிடித்தாய்? தயவு செய்து அதை சொல்லு...’’ என்று போட்டுள்ளார்.

சமந்தா இன்னும் சிறிது காலத்திற்கு குழந்தை பெற்றுக் கொள்ளாமல் தனது மார்க்கெட்டை தக்க வைத்து கொள்ள விரும்புகிறார் என்பது அவரது கோபத்தில் இருந்து தெரிந்து கொள்ள முடிகிறது.


Speed News

  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST