சந்தானம் நடித்த ஏ1 படத்தை யாரும் பார்க்காதீர்கள்... பிராமணர் சங்கம் வேண்டுகோள்

by எஸ். எம். கணபதி, Jul 27, 2019, 13:59 PM IST

சந்தானம் நடித்த ஏ1 என்ற திரைப்படத்தை யாரும் பார்க்காமல் புறக்கணிக்க வேண்டும் என்று பிராமணம் சங்கம் வேண்டுகோள் விடுத்திருக்கிறது.

காமெடி நடிகர் சந்தானம் ஹீரோவாக நடித்து வெளியாகியுள்ள திரைப்படம் ஏ1. ராஜநாராயணன் தயாரிப்பில் ஜான்சன் இயக்கியுள்ளார். இந்த படத்தில் பிராமணர்களை அவமானப்படுத்துவதாக குற்றம்சாட்டி, தமிழ்நாடு பிராமணர் சங்கம், சந்தானத்திற்கு கண்டனம் தெரிவித்திருக்கிறது.

மேலும், அந்த சங்கம் வெளியிட்டுள்ள அறிக்கையில், ‘‘நடிகர் சந்தானம் நடித்த ஏ1 திரைப்படத்தில் பிராமண சமூகத்தை கொச்சைப்படுத்தும் காட்சிகள் இடம்பெற்றுள்ளன. இந்த படத்துக்கு எதிர்ப்பு தெரிவித்து போராட்டம் நடத்துவதால், அதற்கு தேவையில்லாத விளம்பரம் தேடி கொடுத்திடக் கூடாது என்று சகித்துக் கொண்டிருந்தோம்.

ஆனால், இந்த திரைப்பட நிகழ்ச்சியில் சந்தானம் பேசும் போது, அந்த ஆட்சேபகரமான காட்சிகளை நியாயப்படுத்தி பேசியுள்ளார். இது பிராமண சமூகத்தினரின் உணர்வுகளை மேலும் புண்படுத்தியுள்ளது. இதற்காக, சந்தானத்திற்கு வன்மையான கண்டனத்தை தெரிவித்து கொள்கிறோம். இந்த திரைப்படத்தை பிராமண சமூகத்தினர் புறக்கணிக்க வேண்டும். மேலும், மற்ற சமூகத்தினரும் இந்த படத்தை புறக்கணிக்க வேண்டுமென்று வேண்டுகோள் விடுக்கிறோம்.

இவ்வாறு அறிக்கையில் கூறப்பட்டுள்ளது.

ஏற்கனவே பிராமணர் சங்கத்தின் மதுரை மாவட்ட தலைவர் கிருஷ்ணசாமி, மதுரை போலீஸ் கமிஷனர் டேவிட்சன் ஆசிர்வாதத்திடம் ஒரு புகார் கொடுத்திருக்கிறார். அதில், பிராமணர்களை இழிவுபடுத்திய சந்தானம் மீது நடவடிக்கை எடுக்கக் கோரியுள்ளார். மேலும், ஆளுநர், முதலமைச்சர், டிஜிபி ஆகியோருக்கும் புகார் அனுப்பியுள்ளார்.

கடாரம் கொண்டான் ரிலீஸ், தியேட்டருக்கு வந்த விக்ரம்; ரசிகர்கள் ஆரவாரம்


Speed News

  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST