சிம்பு, விஜய் ஆண்டனி படங்களை இயக்கும் துரை

அஜித் நடித்த முகவரி படத்தை இயக்கியவர் வி.இசட்.துரை. தற்போது இவர் சுந்தர் சி. நடித்துள்ள இருட்டு படத்தை இயக்கி இருக்கிறார். அப்படம் விரைவில் வெளிவர உள்ளது . இந்நிலையில் சிம்பு. விஜய் ஆண்டனி நடிக்கும் படங்களை இயக்குவதற்கான ஸ்கிரிப்ட் தயாரிப்பில் மும்முரமாக இருக்கிறார். இதன் படப்பிடிப்பு இந்த ஆண்டு இறுதியில் தொடங்கப்பட உள்ளது.

இதற்கிடையில், விஜய்சேதுபதியை இயக்குவது தெடர்பாக துரை பேசி வந்தார். ஆனால் படத்தயாரிப்பாளர் முதலில் சிம்பு மற்றும் விஜய் ஆண்டனி நடிக்கும் இரண்டு படங்களை இயக்க கேட்டுக் கொண்டிருக்கிறாராம். இதையடுத்தது இரண்டு படங்களின் ஸ்கிரிப்ட் பற்றியும் முறையே சிம்பு மற்றும் விஜய் ஆண்டனியிடம் பேசி வருகிறார்.

ஏற்கனவே சிம்புவை வைத்து தொட்டி ஜெயா படத்தை துரை இயக்கியிருந்தார். அப்படத்தின் இரண்டாம் பாகம் வரப் போவதாக தகவல் வெளியானது ஆனால், தற்போது அதற்கு பதிலாக புதிய படத்தில் இருவரும் இணைய உள்ளனர். இதற்குமுன் இருவரும் இது போன்ற கதையில் இணைந்ததில்லை.

சிம்பு அல்லது விஜய் ஆண்டனி இருவரில் ஒருவரது படத்தின் படப்பிடிப்பை இந்த ஆண்டு இறுதிக்குள் தொடங்க இயக்குனர் துரை திட்டமிட்டுள்ளார்.

You'r reading சிம்பு, விஜய் ஆண்டனி படங்களை இயக்கும் துரை Originally posted on The Subeditor Tamil