நயன்தாராவுக்கு தயாரிப்பாளர் அமெரிக்காவில் விருந்து... அஜீத் படத்தில் நடிக்க கிரீன் சிக்னல்...

by Chandru, Nov 18, 2019, 09:19 AM IST

கடந்த 2 வருடத்துக்கும் மேலாக காதல் பறவைகளாக திரையுலகில் சிறகு விரித்துக்கொண்டிருக்கிறது நயன்தாரா, விக்னேஷ் சிவன் ஜோடி. இருவருக்கும் இந்த ஆண்டில் திருமணம் அல்லது திருமண நிச்சயதார்த்தம் நடத்த இருவீட்டாரும் பேசி வருகின்றனர். ஆனால் நயன்தாராவுக்கு பட வாய்ப்புகள் வந்த வண்ணமிருக்கிறது. பல படங்களை வேண்டாம் என்று நயன்தாரா ஒதுக்கினாலும் முக்கிய பிரமுகர்கள் மூலம் பிரஷர் கொடுத்து அவரது கால்ஷீட் பெறுகின்றனர்.

சமீபத்தில் விஜய்யுடன் நடித்த பிகில் படம் திரைக்கு வந்த நிலையில் வரும் பொங்கல் தினத்தில் ரஜினியுடன் நடித் திருக்கும் தர்பார் திரைக்கு வரவுள்ளது. இந்நிலையில் அஜீத் படத்தில் நடிக்க கேட்டு நயன்தாரா வலிமை பட குழு சுற்றி வருகிறது.

கடந்த ஆண்டு பொங்கல் தினத்தில் ரஜினியின் பேட்ட., அஜீத்தின் விஸ்வாசம் திரைக்கு வந்தது. இதில் பேட்ட படத்தைவிட விஸ்வாசம் படம் அதிக கலெக்‌ஷன் செய்தது. இப்படத்தில் அஜீத்துடன் நயன்தாரா ஜோடியாக நடித்திருந்தார். அதேஜோடி வலிமை படத்துக்கு அமைந்தால் படத்துக்கு வெயிட் கூடும், பிஸ்னஸுக்கும் பிளஸ் ஆக இருக்கும் என்று பட தயாரிப்பாளர் போனிகபூர் கணக்குபோடுகிறார்.

சில தினங்களுக்கு முன் விக்னேஷ்சிவன், நயன்தாரா ஜோடி அமெரிக்கா சென்றது. அங்கு போனிகபூரும் சென்று அவர்களை சந்தித்தார். நியூயார்க் நகரில் ஸ்டார் ஓட்டலில் இரவு விருந்தை ஒன்றாக அமர்ந்து சாப்பிட்டனர். அப்போது வலிமை படத்தில் அஜித் ஜோடியாக நடிக்க நயன்தாராவிடம் போனிகபூர் கேட்டுக்கொண்டதாக கூறப்படுகிறது. ஆனால் அதை உடனடியாக நயன்தாரா உறுதி செய்யவில்லை.

கால்ஷீட் பற்றி ஆலோசித்துவிட்டு கூறுகிறேன் என்று சொல்லிவிட்டாராம். இதுவே அவர் வலிமை படத்தில் நடிப்பதற்கு கிரீன் சிக்னல் காட்டியதுபோல என வலிமை பட தரப்பு குஷியில் இருக்கிறது. இந்த சந்திப்பின்போது மறைந்த ஸ்ரீதேவி, போனிகபூர் தம்பதிகளின் இரண்டாவது மகள் குஷியும் உடனிருந்தார்.


Leave a reply

Speed News

  • பெங்களூரு கலவரத்தில் இது வரை 206 பேர் கைது

     

    பெங்களூருவில் காங்கிரஸ் எம்.எல்.ஏ. உறவினர் நவீன் என்பவர் பேஸ்புக்கில் போட்ட பதிவால் கடந்த 2 நாட்களுக்கு முன்பு கலவரம் வெடித்தது. வாகனங்கள் தீக்கிரையாக்கப்பட்டன. எம்.எல்.ஏ. வீடு தாக்கப்பட்டது. 

    இந்த கலவரம் தொடர்பாக பெங்களூரு மாநகராட்சி கவுன்சிலரின் கணவர் கலீம் பாஷா உள்பட  இது வரை 206 பேர் கைது செய்யப்பட்டுள்ளதாக போலீஸ் இணை கமிஷனர் சந்தீப் பாடீல் தெரிவித்துள்ளார். 

    Aug 14, 2020, 10:15 AM IST

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

More Cinema News