கரோனா வைரஸ் ஊரடங்கு அறிவித்த உடனே வீட்டில் இருக்கப்போகும் அடுத்த 21 நாட்களுக்கு என்ன செய்ய வேண்டும் என்பதைத் திட்டமிட்டு வைத்து விட்டார் தமன்னா. படிப்பு, உடற் பயிற்சி, பழைய ஆல்பங்கள் பார்ப்பது சமையல் செய்வது என ஒவ்வொரு நாளுக்கும் ஒவ்வொரு பிளானை நிறைவேற்றுகிறார். எதாவது மெசேஜ் சொல்ல வேண்டுமென்றால் ஆங்கிலத்தில் சொல்லி வந்தார். தற்போது தனது டிவிட்டர் பக்கத்தில் தமிழில் பேசிய வீடியோ வெளியிட்டிருக்கிறார்.
அதில், 'நம்மால் கோவிட்-19 வைரசை எளிதாக ஜெயிக்க முடியும். அதற்குச் சின்ன சின்ன விஷயங்கள் செய்ய வேண்டும். அனைவரும் இந்த நேரத்தில் வீட்டில் இருக்க வேண்டும். அதுதான் இப்போது நமக்கு பாதுகாப்பு. அரசாங்கம் சொல் வதை கேளுங்கள். சோப்பைப் பயன்படுத்தி கைகளைக் கழுவுங்கள். விலகி நின்று ஒன்றிணைவோம். கொரோனா வைரசை ஒழிப்போம்'என தமன்னா கூறியுள்ளார்.தமன்னாவின் அழகு தமிழைக் கேட்பதற்காகவே பலரும் இந்த வீடியோவை லைக் செய்து வருகின்றனர்.
