நடிகை குஷ்பூ டிவிட்டரில் பல்வேறு கருத்துக்கள் தெரிவித்து வந்தார். குறிப்பாக மோடியின் நடவடிக்கைகளுக்கு எதிராகக் கருத்து பகிர்ந்தார். இந்நிலையில் கடந்து 3 நாட்களாக எந்த பதிவும் செய்ய முடியாமல் இருக்கிறார் குஷ்பூ. இதையடுத்து அவரது டிவிட்டர் கணக்கை யாரோ ஹேக் செய்துவிட்டார்கள் என்று கூறியிருக்கிறார்.
இதுபற்றி தனது இன்ஸ்டாகிராம் பக்கத்தில் குஷ்பூ வெளியிட்டுள்ள மெசேஜில், 'கடந்த 3 நாட்களாக எனது டிவிட்டர் கணக்கில் எதையும் பதிவிட முடியவில்லை. எது பதிவிட்டாலும் அது டிவிட்டரில் வருவதும் இல்லை. என் கணக்கில் 3 வெவ்வேறு இடங்களிலிருந்து ஹேக் செய்ய முயன்றிருக்கிறார்கள். எனது பாஸ் வேரோடும் மாற்ற முடியவில்லை, டிவிட்டரும் சரியான படி எனக்கு உதவவில்லை. இதிலிருந்து என் கணக்கை எப்படி மீட்பது என்று உங்கள் யாருக்காவது தெரிந்தால் உதவுங்கள். அதற்காக அட்வான்ஸ் நன்றி ' எனத் தெரிவித்துள்ளார்.
