தளபதி விஜய் நடித்துள்ள படம் மாஸ்டர். லோகேஷ் கனகராஜ் டைரக்ட் செய்திருக்கிறார். அனிருத் இசை அமைத்துள்ளார். நெகடிவ் வேடத்தில் விஜய் சேதுபதி நடித்துள்ளார். மாளவிகா மோகனன் ஹீரோயினாக நடிக்கிறார். இப்படம் ஏப்ரல் 9ம் தேதி வெளியிட திட்டமிடப்பட்டது. ஆனால் கொரோனா ஊரடங்கால் ரிலீஸ் தள்ளிவைக்கப்பட்டது. ஏப்ரல் 14ம் தேதியுடன் ஊரடங்கு முடியும் என்று கூறப்பட்டதால் மாஸ்டர் படத்தை அஜீத் குமார் பிறந்த தினமான மே 1ம் தேதி வெளியாகும் என்று தகவல் வெளியானது.
தற்போது கொரோனா லாக் டவுன் மே 3வரை நீடிக்கப்பட்டதால் அந்த ரிலீஸ் தேதியும் கைநழுவியது. தற்போது மாஸ்டர் ரிலீஸ் பற்றி புதிய தகவல் வருகிறது. அதாவது வரும் ஜூன் 22ம் தேதி விஜய் பிறந்த நாள் ஆகும் அன்றைய தினம் படத்தை வெளியிடுவது பற்றிப் படத் தரப்பு ஆலோசித்து வருகிறதாம். இது ரசிகர்களுக்கு இரட்டை மகிழ்ச்சியான விஷயம்தான் என்பதில் சந்தேகமில்லை.
