கோலிசோடா போன்ற வெற்றிப் படங்களை இயக்கியவர் விஜய் மில்டன். இவரது பிள்ளைகள் கொரோனா விழிப்புணர்வு வீடியோ ஒன்றை வெளியிட்டுள்ளனர். அதில் உடல் நிலை பாதிக்கப்பட்ட தனது மனைவியை சைக்கிளில் உட்கார வைத்துக் கொண்டு பல கிலோ மீட்டர் தூரம் உள்ள மருத்துவமனைக்கு அழைத்துச் சென்றவரை பற்றியும், வெளியூரில் சிக்கிக்கொண்ட மகனை டூ வீலரில் ஆயிரக்கணக்கான கிலோ மீட்டர் தூரத்திலிருந்து அழைத்து வந்த தாயினைப் பற்றியும் பகிர்ந்து அவர்களின் அக்கறையைப் புகழ் திருப்பத்துடன் பாதிக்கப்பட்டவர்களுக்கு உதவக் கேட்டிருக்கின்றனர்.
பின்னர் கணவன் மற்றும் தாயின் சம்பவங்களை வைத்து படம் எடுங்கள் என்று தந்தை விஜய் மில்டனிடம் கூறுகின்றனர்.இதுபற்றி குறிப்பிட்ட விஜய் மில்டன், பாதிக்கப்பட்டவர்களுக்கு உதவும் படியும் இப்படிப்பட்டவர்கள் தான் வாழ்க்கையில் நாம் பார்க்கும் ஹீரோக்கள்' என்றும் தெரிவித்திருக்கிறார்.
