மக்கள் நீதி மய்யம் கட்சியை கமல்ஹாசன் தொடங்கியதிலிருந்தே நடிப்பில் கவனம் செலுத்த முடியாமல் இருக்கிறார். ஒரு சில பெரிய படங்களில் நடித்துவிட்டு முழுமையாக அரசியலில் ஈடுபட முடிவு செய்தார்.ஷங்கர் இயக்கும் இந்தியன் 2ம் பக்கத்தில் நடிக்க ஒப்புக் கொண்டார். ஒரு சில தடங்கல்களுக்கு பிறகு படப் பிடிப்பு தொடங்கியது. இதற்கிடையில், ' தலைவன் இருக்கிறான்' படத்தை இயக்கி நடிக்க உள்ளதாகத் தெரிவித்தார் கமல். இப்படத்தில் வடிவேலுவும் ரீன்ட்ரி தருவதாக கூறினார்.
இந்தியன் 2பாகம் படப் பிடிப்பு வேகமாக நடந்த நிலையில் படப்பிடிப்பு தளத்தில் விபத்து நடந்ததால் படம் தடைப்பட்டுள்ளது. கொரோனா ஊரடங்கும் குறுக்கிட்டிருப்பதால் படப் பிடிப்பு தொடங்குவது தள்ளிப்போகிறது. இதனால் 'தலைவன் இருக்கிறான்' படத்தில் நடிப்பதற்குக் கமல் கால்ஷீட் ஒதுக்க முடியுமா என்ற சந்தேகம் எழுந்துள்ளது. இதில் தற்போது மாற்றம் செய்யக் கமல் எண்ணி உள்ளாராம்.'தலைவன் இருக்கிறான்' படத்தில் தனக்குப் பதில் விஜய் சேதுபதியை ஹீரோவாக திட்டமிட்டிருப்பதாகவும் இயக்குனர் பொறுப்பையும் வேறுவொருவரிடம் அளிக்கவும் உள்ளதாகக் கூறப்படுகிறது. இது பற்றி அதிகாரப் பூர்வமான தகவல் வரும் என்று எதிர்பார்க்கப்படுகிறது.
சில தினங்களுக்கு முன்பு தான் கமல், விஜய் சேதுபதி இருவரும் இன்ஸ்டாகிராமில் கலந்துரையாடினர் அப்போது விஜய் சேதுபதியை வெகுவாக கமல் புகழ்ந்தார். அவரும் கமலுடன் நடிக்க விருப்பம் தெரிவித்தார்.
