40 சதவீதம் சம்பளம் குறைத்த அக்னி நட்சத்திரம் நடிகர் உதயா..

திருநெல்வேலி, உத்தரவு மகாராஜா, தலைவா போன்ற பல படங்களில் நடித்திருப்பவர் உதயா. தற்போது அக்னி நட்சத்திரம், மாநாடு போன்ற படங்களில் நடித்து வருகிறார். அவர் தனது சம்பளத்தில் 40 சதவீதம் குறைத்துக் கொள்வதாக அறிவித்திருக்கிறார். இது பற்றி அவர் கூறியதாவது: தற்போது தாண்டவம் ஆடிக் கொண்டிருக்கும் கொரானா வைரஸின் தாக்கத்திலிருந்து நிச்சயம் மீண்டும் வருவோம். மற்ற அனைத்து துறைகளை விட நம் திரையுலகம் இந்த கொரோனா வைரஸால் அதிகம் பாதிப்புக்கு உள்ளாகியுள்ளது .

நம் முதலாளிகள் (தயாரிப்பாளர்கள்) அனைவரும் நன்றாக இருந்தால் தான் இந்த ஒட்டுமொத்த திரையுலகமும் நன்றாக இருக்கும்.நான் தற்போது நடித்துக் கொண்டிருக்கும் "அக்னி நட்சத்திரம்" திரைப்படத்தில் தயாரிப்பாளரின் நலன் கருதி மிகக்குறைந்த சம்பளத்திற்கு ஒத்துக்கொண்டு நடித்துக்கொண்டிருக்கிறேன். தற்போது இந்த கொரானாவின் தாக்கத்தால் ஒட்டுமொத்த திரையுலகமே ஸ்தம்பித்துப் போய் இருக்கின்ற இந்த சூழ்நிலையில் நான் மீண்டும் தயாரிப்பாளருக்கு உதவிடும் வகையில் நான் ஒத்துக் கொண்ட சம்பளத்திலிருந்து மீண்டும் தற்போது 40 சதவீதம் சம்பளத்தைக் குறைத்துக் கொள்கிறேன்.

அதேபோல் சுரேஷ் காமாட்சி தயாரிக்கும் "மாநாடு"படத்தில் நடித்துக் கொண்டிருக்கிறேன்.அந்த படத்திலும் எனக்கு நிர்ணயிக்கப்பட்ட சம்பளத்திலிருந்து 40 சதவீதம் சம்ளத்தை குறைத்துக் கொள்ள சம்மதிக்கிறேன். இதற்கு முன்னோடியாக இருந்த நடிகர் விஜய் ஆண்டனி , ஹரீஷ் கல்யாண்,இயக்குனர் ஹரி போன்றோர் சம்பளத்தை குறைத்துக் கொண்டிருக்க அதேபோல் நானும் எனது சம்பளத்தை குறைத்துக் கொள்வதில் பெருமை கொள்கிறேன்.இவ்வாறு நடிகர் உதயா கூறி உள்ளார்.
40 சதவீதம் சம்பளத்தைக் குறைத்துக் கொண்ட உதயாவுக்கு அக்னிநட்சத்திரம் படத் தயாரிப்பாளர் மணிகண்டன் சிவதாஸ் நன்றி தெரிவித்திருக்கிறார்.

You'r reading 40 சதவீதம் சம்பளம் குறைத்த அக்னி நட்சத்திரம் நடிகர் உதயா.. Originally posted on The Subeditor Tamil