கொரோன தடை : ரஜினி, கமலுக்கு புது பிரச்சனை.. 60வயதானதால் ஷுட்டிங்கில் பங்கேற்க முடியுமா?

by Chandru, May 28, 2020, 09:14 AM IST

கொரோனா வைரஸ் தொற்று பரவாமலிருக்க ஊரடங்கு பிறப்பிக்கப்பட்டதிலிருந்தே மக்களும், தொழில் மற்றும் சினிமா துறையினரும் பல்வேறு இன்னலுக்குள்ளாகி வருகின்றனர்.50 நாட்களுக்கும் மேலாகப் படப்பிடிப்பு நடத்த முடியாமல் முடங்கி உள்ளனர். இந்நிலையில் பணிகளைத் தொடங்க அரசிடம் தொடர் கோரிக்கை வைத்து வருகின்றனர். போஸ்ட் புரொடக்ஷன் பணிக்கு மட்டும் கட்டுப்பாடுகளுடன் அரசு அனுமதி வழங்கி உள்ளது. 60 வயதுக்கு மேல் உள்ளவர்களை கொரோனா பாதிக்கும் என்பதால் அவர்களுக்கு பதிலாக இளவயதினர் மட்டும் பணிக்கு அனுமதிக்கப்படுகின்றனர்.


தமிழ்நாட்டில் இன்னும் படப்பிடிப்பு நடத்த அனுமதி வழங்காத நிலையில் தெலங்கானா மாநிலத்தில் ஷுட்டிங் நடத்த அனுமதி வழங்கப்பட்டிருக்கிறது. அதேசமயம் 60 வயதுக்கு மேல் உள்ளவர்களுக்குத் தொற்று எளிதாகப் பரவும் என்பதால் அவர்களைப் பணியில் அமர்த்த முடியாத நிலை ஏற்பட்டுள்ளது அவர்களுக்குப் பதிலாக வேறு ஆட்களைப் பணியில் அமர்த்த முடியும் .ஆனால் படத்தின் ஹீரோவுக்கள் சிலருக்கே 60வயது கடந்திருப்பதால் அவர்கள் இல்லாமல் எப்படிப் படப்பிடிப்பு நடத்துவது என்று தயாரிப்பாளர்கள் குழப்பத்தில் உள்ளனர்.

கொரோனா தடை காலம் முடிந்த பிறகு அந்த நடிகர்கள் பங்கேற்கலாம் என்றால் லாக் டவுன் எப்போது முடியும் என்று தெரியாத நிலை உள்ளது. ரஜினிகாந்த், கமல்ஹாசன், சிரஞ்சீவி, நாகார்ஜுனா போன்றவர்கள் 60வயதைக் கடந்து விட்டனர். என். டி.
பாலகிருஷ்ணா போன்ற நடிகர்கள் 60 வயதை நெருங்கிக் கொண்டிருக்கின்றார். அவர்கள் எல்லோரும் படப்பிடிப்பில் பங்கேற்க முடியாத நிலை ஏற்பட்டுள்ளது. அந்த நடிகர்களுக்கு விதிவிலக்கு அளிக்கப்படுமா அல்லது கொரோனா கட்டுப்பாடு காரணம் காட்டி அரசியல் பழி வாங்கும் நடவடிக்கை தொடங்குமா என்பதைப் பொறுத்திருந்து தான் பார்க்க வேண்டும் என்று திரையுலகில் சிலர் முணுமுணுக்கின்றனர்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST