காப்பான் பட வெட்டுக்கிளி தாக்குதல் நிஜமானது.. 50 ஹெக்டேர் பயிர்கள் அழிப்பு..

by Chandru, May 28, 2020, 11:44 AM IST

கே.வி.ஆனந்த் இயக்கத்தில் சூர்யா நடித்த படம் 'காப்பான் இப்படத்தின் கிளைமாக்ஸ்
காட்சியில் லட்சக்கணக்கான வெட்டுக்கிளிகள் பறந்து வந்து விவசாயிகளின் பயிர்களை அழிப்பது போல் காட்சி அமைக்கப்பட்டிருக்கும். அதே போன்ற சம்பவத்தை தற்போது ராஜஸ்தான், பஞ்சாப், மற்றும் மத்தியப் பிரதேச மாநிலங்கள் எதிர்கொண்டிருக்கிறது.பல லட்சக்கணக்கான வெட்டுக்கிளிகள் ஒரே நேரத்தில் பறந்து வந்து கோதுமை உள்ளிட்ட பயிர்களை அழித்து வருகிறது. இதுவரை, 50ஆயிரம் ஹெக்டேர் பயிர்களை அவை அழித்துள்ளன. பயிர்களை அழிக்கும் வெட்டுக்கிளிகளை ஒழிக்கும் பணியில் அம்மாநில அரசுகள் தீவிரம் காட்டி வருகின்றன. ஆனாலும் இன்னும் கட்டுக்குள் கொண்டுவர முடியாமல் திணறி வருகின்றன.


வெட்டுக்கிளிகள் நடத்தும் இந்த உணவு பேரழிவு குறித்துக் கடந்த ஆண்டு இயக்குனர் கே.வி.ஆனந்த் காப்பான் என்ற படம் இயக்கி இருந்தார். இதில் சூர்யா ஹீரோவாக நடித்தார். தற்போது இப்படம் மீண்டும் அனைவரின் கவனத்தை ஈர்த்துள்ளது.
இப்படியொரு கதை அம்சத்துடன் படம் இயக்கியது பற்றி கே. வி ஆனந்திடம் கேட்டபோது பதில் அளித்தார்.

இப்படி ஒரு சம்பவம் நூற்றாண்டுக்கு முன்பே நடந்திருக்கிறது. 1903லிருந்து 1906 வரை மும்பையில் இப்படியொரு சம்பவம் நடந்துள்ளது. வரலாறு எப்போதும் திரும்பும். இதே போன்ற சம்பவங்கள் குறித்து பைபிள் குரானில் தெரிவிக்கப்பட்டிருக்கிறது.
9 வருடங்களுக்கு முன் மாற்றான் படத்திற்கு லொகேஷன் பார்க்க மடகாஸ்கர் சென்றேன். அங்கு காரில் சென்றுக் கொண்டிருந்தபோது திடீரென்று வெட்டுக்கிளிகள் கூட்டம் காரை மூழ்கடித்துப் பறந்து சென்றது. அவை முழுவதாக பறந்து செல்ல நீண்ட நேரம் ஆனது. அதுவரை காரை அங்கிருந்து எடுக்க முடியவில்லை. பின்னர் அது பற்றிப் பல ஆராய்ச்சிகள் மேற்கொண்டேன். அப்போது பல விவரங்களைச் சேகரித்தேன். பின்னர் அதை மையமாக வைத்துக் காப்பான் படம் கதை அமைக்கப்பட்டது.

இவ்வாறு கே.வி. ஆனந்த் கூறினார்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST