சுஷாந்த் தற்கொலையில் தினம் ஒரு திருப்பம்.. காதலிக்கும் நடிகரின் நண்பருக்கும் மோதல்?

by Chandru, Jun 24, 2020, 10:55 AM IST

பாலிவுட் இளம் திறமையான நடிகர் சுஷாந்த் சிங் ராஜ்புத். 'எம்.எஸ். தோனி-தி அன்டோல்ட் ஸ்டோரி', 'கை போ சே', 'சிச்சோர்', 'கேதார்நாத்' மற்றும் 'டிரைவ்' போன்ற சிறந்த படங்களில் நடித்துள்ளார். சுஷாந்த்தின் மரண அதிர்ச்சியிலிருந்து ரசிகர்கள் மீளவில்லை. நடிகரின் மரணத்தின் பின்னணியில் உள்ள உண்மையான காரணங்களைக் கண்டறியப் பிரேதப் பரிசோதனைக்காக இன்னும் போலீஸார் காத்திருக்கின்றனர்.


நடிகரின் காதலி என்று கூறப்பட்ட ரியா சக்ரவர்த்தியின் வாக்குமூலத்தை போலீசார் பதிவு செய்துள்ளனர். அதில் சுஷாந்தை விட்டுப் பிரிந்ததுபற்றி அவர் தெரிவித்திருக்கிறாராம்.
சுஷாந்தின் நண்பர் சித்தார்த் பிதானியேதான் சுஷாந்த்தை விட்டு தான் பிரியக் காரணம் என்று ரியா தெரிவித்திருக்கிறார். நாங்கள் இருந்த பிளாட்டில் சித்தார்த் இருந்தது எனக்குப் பிடிக்கவில்லை. அவரால் எனது தனிமையை (பிரை வேசி) இழந்ததாக உணர்ந்தேன். பின்னர் ஊரடங்கிற்குப் பிறகு நான் சுஷாந்த்தை விட்டு விலகிச் செல்ல வேண்டியிருந்தது, ஏனெனில் அவர் தனது நண்பர் சித்தார்த்தை எனக்காக விட்டுவிட விரும்பவில்லை என ரியா தெரிவித்ததாக தகவல் வெளியாகி இருக்கிறது.

ஆனால் சுஷாந்த் மரணம் தொடர்பாக வெளிவரும் மற்ற விவகாரங்களை மூடிமறைப்பதற்காக ரியா பற்றி இப்படி கிளப்பி விடப்படுதாகவும் சிலர் கூறுகின்றனர். இந்த விஷயத்தில் போலீசார் விசாரணையில் தான் உண்மை தெரியவரும் என்று எதிர் பார்க்கப்படுகிறது. ரியா சக்ரபோர்த்தி துனீகா துனீகா என்ற தெலுங்கு மற்றும் மேர் டாட் கி மாருதி, சோனாலி கேபிள், ஹாஃப் கேர்ள்ஃபிரண்ட் போன்ற இந்தி படங்களில் நடித்திருக்கிறார்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST