நடிகை பூர்ணாவை மிரட்டிய கும்பல் வழக்கில் அடுத்தடுத்து திருப்பம்.. டிக்டாக் மாப்பிள்ளை, டூப்ளிகேட் தாயார்..

by Chandru, Jul 4, 2020, 17:06 PM IST

மிஷ்கின் நடித்துத் தயாரித்த சவரக்கத்தி படம் உள்ளிட்ட பல்வேறு படங்களில் நடித்திருப்பவர் பூர்ணா, இவர் கொச்சி மரட் பகுதியில் வசிக்கிறார். சில தினங்களுக்கு முன் நடிகை பூர்ணாவை திருமணத்துக்குப் பெண் கேட்டு அவரது வீட்டுக்கு ஒரு கும்பல் சென்றது.அதில் ஒருவர் தான் ஒரு சினிமா தயாரிப்பாளர். பெயர் ஜோணி என்று தன்னை அறிமுகம் செய்து கொண்டார். ஆனால் அந்த நபர் கோட்டயம் பகுதியில் சவுண்ட்ஸ் மற்றும் பந்தல் நிறுவனம் நடத்தும் ராஜூ என்பது தெரிய வந்துள்ளது.

பூர்ணாவின் தந்தையிடம் இது தான் மாப்பிள்ளை துபாயில் நகைக் கடை நடத்துவதுடன் பல்வேறு நாடுகளில் நகைக்கடை வைத்துள்ளதாகக் அந்த கும்பல் ஆசை வார்த்தைகளை கூறியது. சில நாள் கழித்து, நகை கடைக்கு 10 லட்சம் பணம் தேவை உடனே தரவேண்டும் என்று பூர்ணாவிடம் அந்த கும்பலை சேர்ந்தவர் ஒருவர் பணம் கேட்டார். அடுத்தடுத்து அந்த கும்பல் மிரட்டத் தொடங்கியது. இதனால் பூர்ணா குடும்பத்தினர் சந்தேகம் அடைந்தனர்.

பின்னர் இது குறித்து பூர்ணா சார்பில் அவரது தந்தை மரட் போலீசில் புகார் அளித்தார். இதையறிந்து அந்த கும்பலால் மிரட்டப்பட்ட பல பெண்கள் புகார் அளிக்கத் தொடங்கினர்.. இது பெரிய கும்பலின் கைவரிசை என்று முடிவுக்கு வந்த போலீசார் தீவிர நடவடிக்கையில் இறங்கினர். அதில் அடுத்தடுத்து 10 பேர் கைது செய்யப்பட்டனர். மாப்பிள்ளையின் தாய் எனக் கூறி பூர்ணா வீட்டுக்குச் சென்ற பெண் இந்த வழக்கில் கைதான ஒருவரின் மனைவி என அதிர்ச்சி தகவலும் வெளியாகி இருக்கிறது. அவரை போலீசார் தேடி வருகின்றனர். கைது செய்யப்பட்டவர்களிடம் விசாரணை தொடர்ந்து நடக்கிறது. அதில் பல்வேறு தகவல்களை வாக்கு மூலமாக பெற்றிருக்கின்றனர்.

பூர்ணாவிடம் மாப்பிள்ளை என்று ஒரு போட்டோ அளிக்கப்பட்டது. அந்த நபர் கேரளாவில் டிக்டாக்கில் வீடியோக்களை வெளியிட்டுப் பிரபலமானவர். அவர் பெயர் யாசர். காசர்கோடு பகுதியைச் சேர்ந்தவர் என்பது தெரிய வந்தது. ஆனால் பூர்ணா வீட்டில் அந்த நபரின் பெயரை மாற்றி சொல்லி இருக்கின்றனர். இதையடுத்து யாசரை போலீசார் அழைத்து விசாரணை நடத்திய போது தான் அந்த போட்டோவை அளிக்கவில்லை என்றும் மோசடி கும்பல் பற்றி தனக்கு ஒன்றும் தெரியாது எனவும் போலீசாரிடம் தெரிவித்திருக்கிறார். இந்த வழக்கில் அடுத்தடுத்து திருப்பங்கள் நடந்து வருகின்றன.


Leave a reply

Speed News

  • பெங்களூரு கலவரத்தில் இது வரை 206 பேர் கைது

     

    பெங்களூருவில் காங்கிரஸ் எம்.எல்.ஏ. உறவினர் நவீன் என்பவர் பேஸ்புக்கில் போட்ட பதிவால் கடந்த 2 நாட்களுக்கு முன்பு கலவரம் வெடித்தது. வாகனங்கள் தீக்கிரையாக்கப்பட்டன. எம்.எல்.ஏ. வீடு தாக்கப்பட்டது. 

    இந்த கலவரம் தொடர்பாக பெங்களூரு மாநகராட்சி கவுன்சிலரின் கணவர் கலீம் பாஷா உள்பட  இது வரை 206 பேர் கைது செய்யப்பட்டுள்ளதாக போலீஸ் இணை கமிஷனர் சந்தீப் பாடீல் தெரிவித்துள்ளார். 

    Aug 14, 2020, 10:15 AM IST

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

More Cinema News