கொரோனாவா, கோடம்பாக்கம் அரசியலா - சினிமாவும் , தமிழக அரசும்...!

by Chandru, Jul 10, 2020, 16:25 PM IST

சூப்பர் ஸ்டார் ரஜினிகாந்த், உலக நாயகன் கமல்ஹாசன், தளபதி விஜய் , தல அஜீத், சியான் விக்ரம், சிங்கம் சூர்யா, தனுஷ் என வரிசையாக யார் நடித்த படமும் இந்த ஆண்டுக்குள் திரைக்கு வருமா என்பதில் சந்தேகம் எழுந்துள்ளது.மக்கள் திலகம் எம்ஜிஆர், நடிகர் திலகம் சிவாஜி நடித்த காலத்தில் படங்கள் வெளியீடு என்பது திருவிழா கோலமாகக் காட்சி அளித்தது. 300 நாள், 200 நாள், வெள்ளி விழா எனப் படங்கள் வருடக் கணக்கில் ஓடியது, ரஜினி, கமல் படங்கள் கூட வருடக் கணக்கில் ஒரு சில படங்கள் ஓடின. இப்போது நிலைமை தலைகீழாக இருக்கிறது. பெரிய நடிகர்கள் படங்களுக்கு மட்டும் ஓபனிங் இருக்கிறது மற்ற படங்களுக்கு ஓப்பனிங் என்பதே கேள்விக் குறியாக இருக்கிறது.
இன்றைக்கும் ரஜினி, கமல்,விஜய். அஜீத் படங்களுக்கு ஓப்பனிங் இருக்கத் தான் செய்கிறது மற்ற நடிகர்களின் படங்களுக்கு பிரமாண்ட ஒப்பனிங் என்பது கேள்விக் குறிதான். ஒப்பனிங் உள்ள 4 நடிகர்களில் 3 நடிகர் அரசியல் பேசுகிறார்கள். அஜீத் மட்டும் அரசியலில் தலையிடாமல் தான் உண்டு தன் வேலை உண்டு என்று படங்கள் நடிப்பது, ஐஐடி மாணவர்களுக்கு ஆளில்லா விமானம் வடிவமைப்பது எனக் கவனத்தைச் செலுத்துகிறார்.


ஆளும் கட்சியினரை ஹீரோக்கள் எதிர்த்தால் உடனே ரெய்டு, படங்களுக்குத் தடை என மிரட்டல்கள் வருகிறது. இந்த எதிர்ப்பெல்லாம் அந்த ஹீரோக்களுக்கு மக்களிடம் அதிகமாகி உள்ள செல்வாக்கைத் தான் காட்டுகிறது. தியேட்டரில் படம் வெளியானால் சுமார் ஒரு வாரத்திற்கு அந்த ஹீரோக்கள் பேசும் வசனத்தை கேட்க முடியாதளவுக்கு ரசிகர்களின் ஆரவாரம் காதை கிழிக்கிறது. சினிமைவைத் தாண்டி அரசியலுக்கு வரும்போது அதில் ரசிகர்களின் ஆதரவு மட்டுமல்லாமல் வெகு ஜனங்களின் ஆதரவும் பெருகிவிடுகிறது. அதுவொரு ஆட்சி மாற்றத்தையே கூட உருவாக்குகிறது. அதை நிரூபித்துக் காட்டினார் புரட்சித் தலைவர் எம்ஜிஆர்.

பிறக்கும்போதே எம்ஜிஆர் பணக்கார குடும்பத்தில் பிறந்துவிடவில்லை. ஏழ்மை குடும்பத்தில் பிறந்து தாயின் உழைப்பால் கால் வயிறு, அரை வயிறு என்று கஞ்சி குடித்த வறுமையை அனுபவித்தார் என்பதை அவரது வாழ்க்கை வரலாறு உணர்த்துகிறது. அவரை மக்கள் செல்வாக்குடன் ஆட்சிக்கு வந்த போது மக்களின் பசி போக்க என்ன திட்டம் நிறைவேற்ற வேண்டும் என்பதை உணர்ந்து அதற்கேற்ப ஆட்சி நடத்தினார். அதே போல் தான் ரஜினி, விஜய் போன்றவர்கள் வறுமையில் உழன்று படிப்படியாக முன்னேறி வந்து தங்களுக்கென ஒரு இடத்தை பிடித்திருக்கின்றனர். கமல்ஹாசன் ஓரளவுக்கு வசதியான குடும்பத்தில் பிறந்தாலும் அவர் சினிமா ஆர்வத்தில் படிப்பை விட்டு சென்னை வந்து நடன உதவியாளராக பணியாற்றிச் சிறு வேடங்களில் நடித்து அதில் கஷ்டப்பட்டும் மற்றவர்களின் கஷ்டங்களை நேரில் பார்த்தும் தனது திறமையால் வளர்ந்து இன்றைக்கு உலக நாயகனாகத் திகழ்கிறார். அதே போல் தான் விஜய்யின் இன்றைய வளர்ச்சியும். அவர் நடிகனாக அறிமுகமான போது இதெல்லாம் ஒரு மூஞ்சா என்று சொல்லி முளையிலேயே அவரை விரட்டப் பார்த்தார்கள். அவருக்கு உறுதுணையாக அவரது தந்தை டைரக்டர் எஸ்.ஏ.சந்திரசேகரன் இருந்து நம்பிக்கையூட்டி அவரை ஒரு நடிகராக நிலைநிறுத்தினார். அதன்பிறகு இன்று தளபதி என்றால் தமிழ்நாட்டில் தெரியாதவர்களே கிடையாது என்று தனது உழைப்பால் ரசிகர்கள் என்ற நண்பர் பட்டாளத்தைத் திரட்டியிருக்கிறார்.

அரசியலிலோ, ஆளும் தரப்பிலோ மக்களுக்கு விரோதமாக ஒரு செயல் நடக்கிறதென்றால் அதைத் தட்டி கேட்கும் போது அதற்கு மக்களின் ஆதரவு அமோகமாக இருக்கிறது. இந்த எழுச்சியை அடக்கி ஒடுக்கி விடலாம் என்று சிலர் காணும் கனவு பலிக்காமல் போவதற்கு அந்தந்த ஹீரோக்களின் தனிப்பட்ட செல்வாக்கு தான் காரணம் என்பதை மறந்துவிடக் கூடாது. ரஜினியை வளைத்து போடலாம். கமலை வளைத்துப் போடலாம், விஜயை வளைத்துப் போடலாம் என்று மத்திய. மாநில ஆளும் கட்சிகள் பல வழிகளில் முயன்றும் அது நடக்கவில்லை. அதனால் தான் விஜய் ஒரு குரல் கொடுத்தால் அதற்குப் பதில் தர முடியாமல் அஜீத்தைப் புகழ்ந்து பேசி அவரது தலையில் ஐஸ் வைத்து அவரை வளைத்துப் போடப் பார்க்கிறார் ஒரு மந்திரி. ஆனால் இப்படிப் பேசும் அமைச்சருக்கோ அல்லது அரசியல் வாதிகளோ அந்த ஹீரோக்கள் எல்லோருமே அதாவது ரஜினியும் கமலும் அதே போல் விஜய்யும் அஜீத்தும் நெருக்கமான நண்பர்கள் என்பதை மறந்துவிடுகிறார்கள்.
பிரிதாளும் சூழ்ச்சியைக் கையாளும் ஆளும் கட்சியின் திட்டங்களை அறியாதளவிற்கு அவர்கள் ஒன்றும் பப்பா இல்லை என்பதை நினைவில் வைத்துக்கொள்ள வேண்டும்.
தியேட்டரில் படம் வருவதால் தானே இந்த நடிகர்களுக்கு இவ்வளவு மவுசு தியேட்டரையே மூடிவிட்டால் என்று யாரோ அதிபுத்திசாலி தந்த யோசனைதான் தற்போது நடக்கும் கொரோனா லாக் டவுனில் சினிமாவையே முடக்கி போட்ட சதியோ என்று கோலிவுட்டில் பேச ஆரம்பித்திருக்கிறார்கள்.

ரஜினியின் அண்ணாத்த, கமலின் இந்தியன் 2, தலைவன் இருக்கிறான், விஜய்யின் மாஸ்டர், அஜீத்தின் வலிமை, விக்ரமின் கோப்ரா, சூர்யாவின் சூரரைப்போற்று, தனுஷின் ஜெகமே தந்திரம் போன்ற படங்களை முடிக்க முடியாமலும், முடிந்த படத்தை வெளியிட முடியாமலும் , திட்டமிட்ட படத்தை ஷூட்டிங் நடத்த முடியாமலும் இருக்க அரசே போட்ட தடைபோல்தான் இந்த கொரோனா ஊரடங்கு தடை உள்ளது. கொரோனாவுக்கு பயந்து அரசு செயல்படாமல் முடங்கி இருக்கிறதா. அரசு இயந்திரங்கள் முடங்கி இருக்கிறதா? அவர்களுக்கான வருமானம் வராமல் போயிருக்கிறதா என்று கேள்வி எழ ஆரம்பித்திருக்கிறது, தமிழகத்தில் அடுத்த ஆண்டு தேர்தல் நடக்கவுள்ளது, அந்த பிரசாரத்தில் பங்கேற்க முடியாமல் நடிகர்களுக்கு ஹூட்டிங் பணிகள் தலைக்கு மேல் இருக்கும் படியும் அதற்குள் எந்த படமும் வந்து இந்தியன் சேனாபதி தாத்தா போல் கேள்வி எழுப்பிவிடக் கூடாது என்ற பின்னப்பட்ட சதிதான் தற்போதைய சினிமா தொழிலின் முடக்கம் என பார்க்கப்படுகிறது, இந்த நெருக்கடிகள் எல்லாம் தேர்தல் என்ற ஒன்று நெருங்கி வரும் போது ரஜினி, கமல், விஜய் என்ற ஒரு புதிய அரசியல் கூட்டணி வருவதற்கான வாய்ப்பை இப்போதுள்ள ஆளும் கட்சியினர் ஏற்படுத்தி வருகின்றனர் என்பது மட்டும் தெரிகிறது.


Leave a reply

Speed News

  • பெங்களூரு கலவரத்தில் இது வரை 206 பேர் கைது

     

    பெங்களூருவில் காங்கிரஸ் எம்.எல்.ஏ. உறவினர் நவீன் என்பவர் பேஸ்புக்கில் போட்ட பதிவால் கடந்த 2 நாட்களுக்கு முன்பு கலவரம் வெடித்தது. வாகனங்கள் தீக்கிரையாக்கப்பட்டன. எம்.எல்.ஏ. வீடு தாக்கப்பட்டது. 

    இந்த கலவரம் தொடர்பாக பெங்களூரு மாநகராட்சி கவுன்சிலரின் கணவர் கலீம் பாஷா உள்பட  இது வரை 206 பேர் கைது செய்யப்பட்டுள்ளதாக போலீஸ் இணை கமிஷனர் சந்தீப் பாடீல் தெரிவித்துள்ளார். 

    Aug 14, 2020, 10:15 AM IST

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

More Cinema News