லட்சுமி ராமகிருஷ்ணனிடம் மன்னிப்பு கேட்ட பீட்டர் பால் மனைவி..

by Chandru, Jul 24, 2020, 13:38 PM IST

நடிகை வனிதா, பீட்டர் பால் திருமணத்தை எதிர்த்துக் கடந்த ஒரு வாரமாகவே பல்வேறு சர்ச்சைகள் நடந்த வண்ணமிருக்கிறது. தன்னிடம் விவாகரத்து பெறாமல் பீட்டர் பால் 2வது திருமணம் செய்தது சட்டப்படி தவறு அவர் மீது நடவடிக்கை எடுக்க வேண்டும் என்று பீட்டர் பால் முதல் மனைவி எலிசபெத் ஹெலன் வட பழனி போலீஸ் நிலையத்தில் புகார் அளித்திருக்கிறார். இந்நிலையில் வனிதா, பீட்டர் பால் திருமணம் பற்றி நடிகைகள் லட்சுமி ராமகிருஷ்ணன், கஸ்தூரி, சூர்யா தேவி விமர்சனம் செய்ததுடன் பீட்டர் பால் முதல் மனைவிக்கு ஆதரவாகப் பேசினர். அவர்களை வனிதா ஒருமையில் பேசி விரட்டினார்.

மேலும் லட்சுமி ராம கிருஷ்ணன், கஸ்தூரி, சூர்யா தேவி ஆகியோர் மீது போலீசில் புகாரும் கொடுத்திருக்கிறார். இதில் சூர்யா தேவி கைதாகி ஜாமினில் விடுதலையானார்.
இந்நிலையில் பீட்டர் பால் மனைவி எலிசபெத் ஹெலன் இன்று ஒரு வீடியோ வெளியிட்டிருக்கிறார், அதில் லட்சுமி ராமகிருஷ்ணனிடம் மன்னிப்பு கேட்டிருக்கிறார். அதில் ஹெலன் கூறியிருப்பதாவது: லட்சுமி ராமகிருஷ்ணன் மேடம் , எங்களுக்காக சப்போர்ட் செய்து பேசினார்கள். நாங்கள் சொல்லித் தான் அவர் பேசினார். ஆனால், வனிதா,அவர்களை ரொம்ப தவறாகவும், மட்டமாகவும் தரக்குறைவான வார்த்தைகளைப் பேசி அவரை கஷ்டப்படுத்தி உள்ளார்.நாங்கள் கேட்டுக்கொண்டதால் எங்களுக்காக லட்சுமி ராமகிருஷ்ணன் உதவி செய்தார். அதனால் தான் அவருக்கு இந்த நிலை ஏற்பட்டுள்ளது. இது எங்களுக்குக் கஷ்டமாக உள்ளது.

நியாயத்திற்காகத் தான் லட்சுமி ராமகிருஷ்ணன் குரல் கொடுத்தார். ஆனால் வனிதா அதைப் புரிந்து கொள்ளாமல் அவரை தகாத வார்த்தைகளால் பேசியுள்ளார். அவருடைய வயதுக்குக் கூட வனிதா மரியாதை கொடுக்கவில்லை. தரக்குறைவான வார்த்தைகளை அவர் பயன்படுத்தியது எனக்கு ரொம்ப கஷ்டமாக உள்ளது. இதனால் நான் இரண்டு நாட்களாக மனக்கஷ்டத்தில் இருக்கிறேன். நம்மால் தானே அவர்கள் அவமானப்பட்டார்கள் என்று வேதனையாக இருக்கிறது. நான் மிகவும் வருத்தப்பட்டுக் கொண்டிருந்தேன் வனிதா இவ்வாறு பேசியதற்கு நான் மன்னிப்பு கேட்டுக்கொள்கிறேன். அவர் மன்னிப்பு கேட்பாரா என்று எனக்குத் தெரியாது. ஆனால் நான் மன்னிப்பு கேட்டுக் கொள்கிறேன்.இவ்வாறு எலிசபெத் ஹெலன் தெரிவித்துள்ளார். இந்த வீடியோவை கஸ்தூரி, லட்சுமி ராமகிருஷ்ணன் தங்களது டிவிட்டர் தளத்தில் வெளியிட்டுள்ளனர். இது தற்போது வைரலாகி வருகிறது.


Leave a reply

Speed News

  • ஜெயலலிதா நினைவு இல்ல வழக்கு..

    ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 
    Aug 10, 2020, 14:48 PM IST
  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST
  • குஜராத்தி்ல் முகக்கவசம் அணியாவிட்டால்

    ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST
  • ராஜஸ்தானி்ல் நாளை மாலை

    பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST
  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More Cinema News