தற்கொலை செய்த நடிகருடன் ஒரு வருடம் வாழ்ந்த நடிகை.. சுப்ரீம் கோர்ட்டில் அவரே வெளியிட்ட பரபரப்பு தகவல்..

by Chandru, Jul 31, 2020, 13:02 PM IST

கிரிக்கெட் வீரர் தோனி வாழ்க்கை வரலாறு படத்தில் தோனி வேடத்தில் நடித்தவர் இந்தி நடிகர் சுஷாந்த் சிங் ராஜ்புத் . இவர் கடந்த ஜூன் மாதம் 14ம் தேதி மும்பையில் உள்ள தனது வீட்டில் தற்கொலை செய்து கொண்டார். இது குறித்து நண்பர்கள், குடும்பத்தினர். படத் தயாரிப்பாளர்கள், காதல் நடிகை ரியா சக்ரபோர்த்தி உள்ளிட்ட 40 பேரிடம் போலீஸார் விசாரணை நடத்தி உள்ளனர். இந்த வழக்கில் திடீர் திருப்பமாக சுஷாந்த்தின் காதலி நடிகை ரியா சக்ரபோர்த்தி மீது சுஷாந்த் தந்தை பாட்னா போலீஸில் புகார் கொடுத்தார். அதில் சுஷாந்த் தற்கொலைக்கு தூண்டப்பட்டிருக்கிறார். சுஷாந்த்துக்கு ஓவர் டோஸ் மாத்திரைகளை ரியா கொடுத்திருக்கிறார். அவரை அறையில் அடைத்து வைத்து மிரட்டி இருக்கிறார். சுஷாந்தின் கணக்கிலிருந்து 15 கோடி மாயமாகி இருக்கிறது. சுஷாந்த் வங்கிக் கணக்கை ரியா தான் கையாண்டு வந்தார். இது தொடர்பாக ரியாவை விசாரித்து நடவடிக்கை எடுக்க வேண்டும் என்று கோரி உள்ளார். இது பரபரப்பை ஏற்படுத்தி இருக்கிறது.

புகாரின் பேரில் ரியா, மற்றும் அவரது குடும்பத்தினர் மீது பாட்னா போலீசார் வழக்குப் பதிவு செய்துள்ளனர். இந்நிலையில் பாட்னா போலீசில் பதிவு செய்யப்பட்ட வழக்கை மும்பையில் விசாரிக்க உத்தரவிட வேண்டும் என்று ரியா சக்கரவர்த்தி சார்பில் உச்சநீதிமன்றத்தில் மனுத் தாக்கல் செய்யப்பட்டுள்ளது. அதில் ரியா கூறும்போது,சுஷாந்த் சிங் உடன் நான் சுமார் 1 ஆண்டு நான் ஒன்றாக வாழ்ந்து வந்தேன். கடந்த ஜூன் 8 ஆம் தேதி வரை ஒரே வீட்டில் தான் வசித்து வந்தேன். சுஷாந்த் மன அழுத்தத்தால் பாதிக்கப்பட்டிருந்தார். இதுகுறித்த விவரங்களை போலீஸ் விசாரணையில் நான் தெரிவித்துள்ளேன்.சுஷாந்த் சிங்கின் வழக்கில் அவரது தந்தை என்னைத் தவறாக இணைத்திருக்கிறார்.

மேலும் இந்த சம்பவம் தொடர்பாக ஏற்கனவே எனக்குக் கொலை, பாலியல் வன்கொடுமை மிரட்டல்கள் எனக்கு விடப்பட்டுள்ளது. இதுகுறித்து மும்பை போலீசில் புகார் கொடுத்திருக்கிறேன். எனவே பாட்னாவில் உள்ள வழக்கை மும்பையில் நடத்த உத்தரவிட வேண்டும்.இவ்வாறு ரியா கூறியுள்ளார்.இந்நிலையில் சுஷாந்த் தந்தை கே கே. சிங் சார்பில் சுப்ரீம் கோர்ட்டில் கேவி யெட் மனுத் தாக்கல் செய்யப்பட்டுள்ளது. அதில் ரியா தொடர்ந்த வழக்கு விசாரணையின் போது தன்னிடம் விசாரணை நடத்து முடிவெடுக்கக் கேட்டிருக்கிறார்.


Leave a reply

Speed News

  • பெங்களூரு கலவரத்தில் இது வரை 206 பேர் கைது

     

    பெங்களூருவில் காங்கிரஸ் எம்.எல்.ஏ. உறவினர் நவீன் என்பவர் பேஸ்புக்கில் போட்ட பதிவால் கடந்த 2 நாட்களுக்கு முன்பு கலவரம் வெடித்தது. வாகனங்கள் தீக்கிரையாக்கப்பட்டன. எம்.எல்.ஏ. வீடு தாக்கப்பட்டது. 

    இந்த கலவரம் தொடர்பாக பெங்களூரு மாநகராட்சி கவுன்சிலரின் கணவர் கலீம் பாஷா உள்பட  இது வரை 206 பேர் கைது செய்யப்பட்டுள்ளதாக போலீஸ் இணை கமிஷனர் சந்தீப் பாடீல் தெரிவித்துள்ளார். 

    Aug 14, 2020, 10:15 AM IST

  • ஜெயலலிதா நினைவு இல்ல வழக்கு.. ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 

    Aug 10, 2020, 14:48 PM IST

  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST

  • குஜராத்தி்ல் முகக்கவசம் அணியாவிட்டால் ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST

  • ராஜஸ்தானி்ல் நாளை மாலை பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST

More Cinema News