இயக்குனர் லிங்குசாமி அண்ணன் தயாரிப்பாளர் சங்க அணியிலிருந்து விலகினார்..
Lingusami Brother Subhas Chanda Bose away From Producer Nalan Kaakkum Ani
ஆனந்தம், ரன், ஜி, சண்டகோழி உள்ளிட்ட பல படங்களை இயக்கியவர் லிங்குசாமி. இவரது சகோதரர் சுபாஷ் சந்திரபோஸ். படத் தயாரிப்பாளர். தயாரிப்பாளர் சங்க தேர்தலில் துணைத் தலைவர் பதவிக்கு போட்டியிடுவதற்காகத் தயாரிப்பாளர் நலன் காக்கும் அணியில் சேர்ந்தார். தற்போது அந்த அணியிலிருந்து விலகி இருக்கிறார். இது குறித்து சுபாஷ் சந்திரபோஸ் வெளியிட்ட அறிக்கையில் கூறியிருப்பதாவது:அன்புள்ள தயாரிப்பாளர் நண்பர்களுக்கு.திருப்பதி பிரதர்ஸ் ஈ. சுபாஷ் சந்திரபோஸின் பணிவான வணக்கம். நான் தயாரிப்பாளர் நலன் காக்கும் அணியில் துணைத் தலைவர் பதவிக்குப் போட்டியிட இருந்தேன். ஆனால் தற்போது அந்த அணியிலிருந்து விலகியுள்ளேன். அதற்கான தன்னிலை விளக்கமே இந்த கடிதம்.
நமது தயாரிப்பாளர்கள் சங்கம் ஒரு வலுவான தலைமையில் அமைய வேண்டுமென கடந்த பத்து நாட்களாக இரு பெரும் தலைவர்களை “ஒன்றிணைக்கக் கடுமையான முயற்சிகள் எடுத்து வந்தோம். அந்த முயற்சிகள் எதுவும் பலனளிக்காமல் போய்விடவே நானே சுயமாக எடுத்த முடிவுதான் இது,அதற்கு ஒரே காரணம் 3351 தயாரிப்பாளர்களின் நலன் மட்டுமே அவர்களுடைய நலன் கருதியே நான் இந்த முடிவை எடுத்துள்ளேன். ஏற்கனவே நமது சங்கத்தை பிளவுபடுத்தப் பலர் நினைக்கும் இந்த சூழ்நிலையில் ஒரு வலுவான தலைமையை உருவாக்க வேண்டுமென்பதே என் போன்ற பல 'தயாரிப்பாளர்களின் எண்ணம். தொடர்ந்து தயாரிப்பாளர்களின் உரிமைக்காகப் போராடும் அனைத்து முயற்சிகளுக்கும் என் குரல் முதல் குரலாக ஒலிக்கும் என்பதை உறுதியுடன் தெரிவித்துக்கொள்கிறேன்.மிக விரைவில் நாம் ஒரு மிகச் சிறந்த வலுவான தலைவரை உருவாக்கி நம் சங்கத்தை மீட்டெடுப்போம். மகிழ்ச்சி.
இவ்வாறு திருப்பதி பிரதர் சுபாஷ் சந்திரபோஸ் தெரிவித்திருக்கிறார்.
You'r reading இயக்குனர் லிங்குசாமி அண்ணன் தயாரிப்பாளர் சங்க அணியிலிருந்து விலகினார்.. Originally posted on The Subeditor Tamil
More Cinema News