சுதா கொங்கரா உதவியாளர் இயக்கத்தில் டைட்டானிக்

by Chandru, Feb 7, 2021, 17:22 PM IST

இறுதிச் சுற்று, சூரரைப் போற்று படங்களை இயக்கியவர் சுதா கொங்கரா இவரிடமும் இயக்குனர்கள் பாலா, பாலாஜி மோகன் ஆகியோரிடம் உதவி இயக்குனராக பணியாற்றியவர் எம்.ஜானகி ராமன். இவர் கதை திரைக்கதை வசனம் எழுதி இயக்குனராக அறிமுகமாக உள்ள படத்துக்கு டைட்டானிக் என பெயரிடப்பட்டுள்ளது. திருக்குமரன் எண்டர்டெய்ன்மெண்ட் சார்பில் பல வெற்றிப் படங்களைத் தயாரித்த சி.வி.குமார் தற்போது புதிதாக ரோம்காம் ஜானரில் இப்படத்தை தயாரிக்கிறார்.

தில் கலையரசன் நாயகனாகவும், ஆனந்தி நாயகியாகவும் இத்திரைப்படம் முழுக்க முழுக்க காதல் கலந்த நகைச்சுவைத் திரைப்படமாக உருவாகியுள்ளது. இப்படத்தின் படப்பிடிப்பு சென்னையில் துவங்கி கோயமுத்தூர் கொடைக்கானல் பெங்களூரு ஆகிய இடங்களில் நடைபெற்றது. இதில் பிற முன்னனி கதாபாத்திரங்களில் காளி வெங்கட், ஆஷ்னா சவேரி, ஜாங்கிரி மதுமிதா, ராகவ் விஜய், சேத்தன், தேவதர்ஷினி, சுதா ஆகியோர் நடித்துள்ளனர். மேலும் இப்படத்தில் இயக்குனர் பாலாஜி மோகனும், நடிகை காயத்திரியும் கெஸ்ட் ரோலில் நடித்துள்ளனர். தெகிடி சேதுபதி புகழ் நிவாஸ். கே.பிரசன்னா இசை அமைத்துள்ளார். பல்லு ஒளிப்பதிவு செய்துள்ளார்.

கலை இயக்குனராக ராம் பிரசாத்தும், எடிட்டிங்கை ராதாகிருஷ்ணன் தனபாலும் இக்னேசியஸ் அஸ்வினும் கவனித்துள்ளனர். படக்குழுவினர் கூறுகையில் “இப்படம் முழுநீள காமெடி திரைப்படமாக இருந்தாலும், நிச்சயம் படம் பார்க்கும் ஒவ்வொருவரையும் படத்தின் பல இடங்களில் தங்கள் வாழ்க்கையுடன் சம்பந்தப்படுத்தி பார்க்க வைக்கும். அதுவும், கிளைமாக்ஸில் வரும் சில திருப்புமுனைகள் இதுவரை ரொமாண்டிக் காமெடி படங்களில் வராத அளவிற்கு இன்ப அதிர்ச்சி யூட்டும் விதமாக திரைக்கதை அமைந்திருப்பது இப்படத்தின் பெரியபலம்” என்றனர்.

You'r reading சுதா கொங்கரா உதவியாளர் இயக்கத்தில் டைட்டானிக் Originally posted on The Subeditor Tamil

More Cinema News

READ MORE ABOUT :

அண்மைய செய்திகள்

அதிகம் படித்தவை