Sunday, May 16, 2021

ஹே சினாமிகா படத்தின் மூலம் தமிழில் பாடகராக அறிமுகமாகும் துல்கர் சல்மான்!

by Madhavan Apr 15, 2021, 14:57 PM IST

நடன இயக்குநர் பிருந்தா மாஸ்டர் படம் ஒன்றை இயக்குகிறார். ஹே சினாமிகா என்று பெயரிடப்பட்டுள்ள அந்த படத்தில் நடித்துவரும் துல்கர் சல்மான் முதன் முறையாக உற்சாகமுடன் தமிழ் பாடலை பாடியிருக்கிறார். அந்தப் புகைப்படங்கள் வைரலாகி வருகின்றன.

நடன இயக்குநர்கள் பிரபுதேவா, லாரன்ஸ் வரிசையில் அடுத்ததாக இணைந்திருப்பவர் பிருந்தா மாஸ்டர். தமிழ் மட்டுமல்லாமல் இந்திய அளவில் முன்னணி டான்ஸ் மாஸ்டர்களில் ஒருவரான பிருந்தா மாஸ்டர் தற்போது இயக்குநராகவும் மாறியுள்ளார். அவர், இயக்கத்தில் துல்கர் சல்மான், காஜல் அகர்வால், அதிதி ராவ் நடிக்கும் ஹே சினாமிகா ஷூட்டிங் சமீபத்தில்தான் முடிந்தது.

தமிழ் சினிமாவின் முன்னணி இயக்குநரான மணிரத்னம் படங்களில் பிருந்தாதான் பெரும்பாலும் டான்ஸ் மாஸ்டராக பணியாற்றுவார். அதேபோல, கடந்த 2015 ஆம் ஆண்டு மணிரத்னம் இயக்கத்தில் துல்கர் சல்மான் நடித்த ஓகே கண்மணி படத்திலும் நடன இயக்குநராக பணியாற்றினார். ரிலையன்ஸ் நிறுவனம் முதன்முறையாக தமிழில் தயாரிக்கும் படம் ஹே சினாமிகா என்பது குறிப்பிடத்தக்கது.

இந்நிலையில் அவர் இயக்கத்தில் விரைவில் திரைக்கு வரவிருக்கும் ஹே சினாமிகா படத்திற்கு 96 படப்புகழ் கோவிந்த் வசந்தா இசையமைக்கிறார். மதன் கார்க்கி பாடல்கள் எழுதும் இப்படத்தில் துல்கர் ஒரு பாடலை உற்சாகமுடன் பாடியிருக்கிறார். துல்கர் சல்மானை பொறுத்தவரை அவர் நல்ல நடிகர் மட்டுமல்ல.மாறாக நல்ல பாடகரும் கூட. மலையாளத்தில் வெளியான சார்லி படத்தில் சுந்தரி பெண்ணை பாடலை பாடியவரும் இவர் தான்.

பாடல் பாடும் துல்கர் சல்மானின் புகைப்படத்தைப் பகிர்ந்த பிருந்தா மாஸ்டர் “ஒரு பாடகராகவும் துல்கர் சல்மானின் புதிய அவதாரத்தை தமிழில் பார்ப்பீர்கள். அவரது தனித்துவமான ஆற்றலை பாடலுக்கு கொண்டு வந்துள்ளார். இந்தப் பாடலை 45 நிமிடங்களிலேயே பதிவு செய்தோம். கோவிந்த் வசந்தாவின் ஈர்க்கும் இசையும் மதன் கார்க்கியின் அழகான பாடல் வரிகளும் அருமையாக வந்துள்ளன” என்று பாராட்டியுள்ளார்.தமிழில் முதன்முறையாக பாடல் ஒன்றை பாடி பாடகராக அறிமுகமாகும் துல்கர் சல்மானுக்கு அவரது ரசிகர்கள் வாழ்த்துகள் தெரிவித்துள்ளனர்.

You'r reading ஹே சினாமிகா படத்தின் மூலம் தமிழில் பாடகராக அறிமுகமாகும் துல்கர் சல்மான்! Originally posted on The Subeditor Tamil

More Cinema News

அண்மைய செய்திகள்

அதிகம் படித்தவை