நடிகை ஹன்சிகாவின் 50-ஆவது படத்தின் தலைப்பை தனது டுவிட்டர் பக்கத்தில் வெளியிட்டு துணைபுரிய இருக்கிறார் நடிகர் தனுஷ்.
நடிகை ஹன்சிகா தற்போது துப்பாக்கி முனை படத்தில் விக்ரம் பிரபுவுக்கு ஜோடியாக நடித்துவருகிறார். இந்தப் படப்பிடிப்பு பரபரப்பாக நடைபெற்று வருகின்றது.
அதுமட்டுமல்லாமல், அதர்வாவுக்கு ஜோடியாக, ‘100’ என்ற படத்திலும் நடித்து வருகிறார் ஹன்சிகா.
தற்போது ஹன்சிகா 50-ஆவது படத்தை நடிக்க திட்டமிட்டுள்ளார். இப்படத்தின் தலைப்பை அவருடைய பிறந்த நாளை ஒட்டி வெளியிடுவதாக இருந்தது. இதற்கிடையில், திமுக தலைவர் கருணாநிதி காலமானதால் அந்த அறிவிப்பு வெளியிடப்படவில்லை.
இந்நிலையில், ஹன்சிகாவின் முதல் தமிழ் படமான ‘மாப்பிள்ளை’ படத்தில் நயகனாக நடித்த தனுஷ், 50-ஆவது படத்தின் தலைப்பை நாளை இரவு 8.30 மணிக்கு தமது டுவிட்டர் பக்கத்தில் வெளியிட இருப்பதாக தகவல்கள் தெரிவிக்கின்றன.
