எடையை குறைக்கும் முயற்சியில் தீவிரமாக ஈடுபட்டுவரும் அனுஷ்கா!
Anushka is seriously involved in trying to reduce weight!
இஞ்சி இடுப்பழகி படத்திற்காக அதிக எடைபோட்ட அனுஷ்கா, அதனை குறைக்க முடியாமல் தவித்து வருகிறார்.
தென்னிந்திய நடிகைகளிலேயே கதைக்கு வலு சேர்க்கும் நாயகிகளில் அனுஷ்காவுக்கே முதலிடம் உள்ளது. அவர் நடிப்பில் வெளியான ருத்ரமாதேவி, பாகுபலி, பாகமதி போன்ற படங்கள் டோலிவுட்டின் புகழை மேலும் உயர்த்தியது.
பல புதிய கதைகளும் அனுஷ்காவை தேடி வரும் சூழலில், தற்போதைக்கு எந்த கதையையும் அவர் ஓகே சொல்வதில்லை. இதற்கு தடையாக இருப்பது அவரது எடை மட்டும் தான் என்கிறார் அனுஷ்கா.
’நான் உடல் எடையை குறைக்கும் முயற்சியில் தீவிரமாக இருக்கிறேன். பல பெரிய படங்களில் இருந்து நடிக்க எனக்கு அழைப்பு வருகிறது. உடல் எடையை அவர்கள் பெரிதாக நினைக்கவில்லை என்றாலும், அந்த கதாபாத்திரத்திற்காக உடல் எடையை குறைத்தாக வேண்டியது எனது கடமை. இதனால், வெளிநாடுகளுக்கு சென்று மருத்துவர்களின் ஆலோசனைப்படி எடையை குறைக்கும் முயற்சியில் ஈடுபட்டுள்ளேன். விரைவில் பழையபடி எடை குறைந்த அனுஷ்காவாக உங்களுக்கு காட்சித் தருவேன்’ என அனுஷ்கா சமீபத்திய பேட்டி ஒன்றில் தெரிவித்துள்ளார்.
You'r reading எடையை குறைக்கும் முயற்சியில் தீவிரமாக ஈடுபட்டுவரும் அனுஷ்கா! Originally posted on The Subeditor Tamil
More Cinema News