உத்தரபிரதேசத்தில் பா.ஜ.க.வை மிரட்டும் கூட்டணிக் கட்சி!

by எஸ். எம். கணபதி, Apr 17, 2019, 09:48 AM IST

உத்தரப் பிரதேசத்தில் பா.ஜ.க. அமைச்சரவையில் இடம் பெற்றுள்ள ஒரு கூட்டணிக் கட்சி, கூட்டணியை விட்டு வெளியேறி தனித்து போட்டியிடப் போவதாக மிரட்டல் விடுத்துள்ளது.
உத்தரப்பிரதேசத்தில் 80 மக்களவை தொகுதிகள் உள்ளன. இங்கு அதிகமான தொகுதிகளை பிடிக்கும் கட்சிதான் பெரும்பாலும் மத்தியில் ஆட்சியமைக்கும்.

இம்மாநிலத்தில் முதலமைச்சர் யோகி ஆதித்யநாத் தலைமையில் பா.ஜ.க. ஆட்சிதான் நடக்கிறது. ஆனால், அங்கு நடைபெற்ற இடைத்தேர்தல்களில் சமாஜ்வாடியும், பகுஜன் சமாஜ் கட்சியும் திடீரென கூட்டணி சேர்ந்து வெற்றி பெற்றன.

இந்த தேர்தலிலும் அதே கூட்டணி தொடர்வதால் பா.ஜ.க.வுக்கு கடும் நெருக்கடி ஏற்பட்டுள்ளது. மேலும் பிரதமர் நரேந்திர மோடியும் இம்மாநிலத்தில் உள்ள வாராணாசி தொகுதியில் மீண்டும் போட்டியிடுகிறார். அவரை எதிர்த்து காங்கிரஸ் சார்பில் யாரை நிறுத்தப் போகிறார்கள் என்பது தெரியவில்லை. ஆனால், பிரியங்கா காந்தி, ‘‘மோடியை எதிர்த்து நானே போட்டியிடத் தயார்’’ என்று பேட்டி கொடுத்து மோடிக்கே வயிற்றில் புளியை கரைத்து விட்டிருக்கிறார்.

இந்த சூழ்நிலையில், பா.ஜ.க. கூட்டணியில் இடம் பெற்றுள்ள சுகேல்தேவ் பாரதீய சமாஜ் கட்சி தனித்து போட்டியிடப் போவதாக திடீரென மிரட்டல் விடுத்துள்ளது. உ.பி., பீகார் உள்ளிட்ட வடமாநிலங்களில் ராஜ்பார் ஜாதியினர் அதிகமாக வசிக்கின்றனர். இவர்களின் வாக்குகள் உ.பி.யில் சில பகுதிகளில் முடிவை நிர்ணயிக்கும் சக்தியாக உள்ளன.

கடந்த சட்டப்பேரவைத் தேர்தலில் பா.ஜ.க.வுடன் இந்த சுகேல்தேவ் பாரதீய சமாஜ் கட்சி கூட்டணி சேர்ந்து போட்டியிட்டு வென்றது. இந்த கட்சியின் தலைவர் ஓம்பிரகாஷ் ராஜ்பார், தற்போது மாநில பிற்படுத்தப்பட்டோர் நலத் துறை அமைச்சராக உள்ளார். மக்களவைத் தேர்தலில் இவரது கட்சிக்கு கேட்ட தொகுதிகளை பா.ஜ.க. தர மறுத்து விட்டது. மேலும், ராஜ்பார் இனத்தவர் அதிகமாக வசிக்கும் பிரதமரின் வாரணாசி, ராஜ்நாத்சிங்கின் லக்னோ உள்பட 39 தொகுதிகளுக்கு வேட்பாளர்களை பா.ஜ.க. அறிவித்து விட்டது.

இதனால் கோபமடைந்த ஓம்பிரகாஷ் ராஜ்பார், அமைச்சர் பதவியை ராஜினாமா செய்யப் போவதாக அறிவித்துள்ளார். மேலும் கிழக்கு உ.பி.யில் 39 தொகுதிகளில் தனித்து போட்டியிடப் போவதாக நேற்று அறிவித்துள்ளார். அப்படி அவரது கட்சி தனித்து போட்டியிட்டால், அது பா.ஜ.க.வுக்கு விழக் கூடிய வாக்குகளை பிரித்து விடும். இதனால், பிரதமர் தொகுதியில் கூட நெருக்கடி ஏற்படும். எனவே, அவரை சமாதானப்படுத்த பா.ஜ.க. தலைவர் அமித்ஷா முயற்சித்து வருகிறார். இதில் ஓம் பிரகாஷ் சமாதானமாகி விடுவாரா? அல்லது மிரட்டியபடி கூட்டணியில் இருந்து வெளியேறுவாரா என்பது ஓரிரு நாளில் தெரியும்.

 

'வாக்குறுதிகளை நிறைவேற்றும் வாய்மைக்கு வாய்ப்பு தாருங்கள்' மு.க ஸ்டாலின் வேண்டுகோள்


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST