மேற்கு வங்க கவர்னருக்கு அரசு விழாவில் அவமதிப்பு.. மம்தா அரசு மீது குற்றச்சாட்டு..

by எஸ். எம். கணபதி, Oct 15, 2019, 18:12 PM IST

கொல்கத்தாவில் நடந்த பூஜை விழாவில் முதல்வர் மம்தா பானர்ஜி முன்னிலையில் தான் அவமதிக்கப்பட்டதாக அம்மாநில கவர்னர் ஜக்தீப் தங்கர் குற்றம்சாட்டியுள்ளார்.

மேற்கு வங்கத்தில் முதல்வர் மம்தா பானர்ஜி தலைமையில் திரிணாமுல் கட்சி ஆட்சி நடைபெறுகிறது. அம்மாநில கவர்னர் ஜக்தீப் தங்கர், முதல்வர் மம்தா மற்றும் பல முக்கியப் பிரமுகர்கள் கலந்து கொண்ட துர்கா பூஜை விழா கடந்த 11ம் தேதி கொல்கத்தாவில் நடைபெற்றது. இந்த விழாவில் முதல்வர் மற்றும் இதர முக்கியப் பிரமுகர்களுக்கு தனி மேடையும் அமைக்கப்பட்டிருந்தது. இதனால், தன்னை திட்டமிட்டு அரசு அவமானப்படுத்தி விட்டதாக கவர்னர் குற்றம்சாட்டியுள்ளார்.

இன்று அவர் ஏ.என்.ஐ. செய்தி நிறுவனத்திற்கு அளித்த பேட்டியில், என்னை வேண்டுமென்றே திட்டமிட்டு அழைத்து தனி மேடையில் அமர வைத்தனர். மேலும் தொலைக்காட்சி ஒளிபரப்புகளிலும் என்னை காட்டவில்லை. இந்த சம்பவம், கடந்த மூன்று நாட்களாக என் மனதில் தீராத வடுவை ஏற்படுத்தி விட்டது. மாநிலத்தின் முதல் குடிமகனாகிய என்னை இப்படி அவமதித்ததை மேற்கு வங்க மக்கள் விரும்ப மாட்டார்கள். என்னை அவமதித்தது மக்களை அவமதித்ததாகும். மேற்கு வங்க கலாச்சாரத்தை அவமரியாதை செய்ததாகும் என்றார்.

மத்தியில் பிரதமர் மோடி தலைமையில் மீண்டும் ஆட்சி அமைந்த பிறகு, மேற்கு வங்கத்தில் பாஜகவினர், திரிணாமுல் அரசுக்கு கடும் நெருக்கடி கொடுத்து வருகின்றனர். மத்திய அமைச்சர் பாபுல் சுப்ரியோ அடிக்கடி அரசுடன் மோதி வருகிறார். இந்நிலையில், கடந்த சில தினங்களுக்கு முன்பு அவரை ஜாதவ்பூர் பல்கலைக்கழகத்திற்கு மாணவர்கள் கெரோ செய்தனர். ஆளும் திரிணாமுல் கட்சிதான் இதை திட்டமிட்டு செய்ததாக கூறப்பட்டது.

அப்போது, கவர்னர் தங்கர் திடீரென அங்கு வந்து அமைச்சரை விடுவித்தார்.
அதே போல், முர்சிதாபாத்தில் மூன்று பேர் கொலை செய்யப்பட்டதில், திரிணாமுல் கட்சியினருக்கு தொடர்பு உள்ளதாக குற்றம்சாட்டப்பட்டு வருகிறது. இது பற்ற சமீபத்தில் கருத்து தெரிவித்த கவர்னர், சட்டம்-ஒழுங்கு கெட்டு விட்டதாக கடுமையாக விமர்சித்தார். இந்த சூழலில்தான், மம்தா அரசு கவர்னருக்கு இப்படி அவமதிப்பு செய்துள்ளதாக பேசப்படுகிறது.

ஏற்கனவே தமிழகத்தில் ஜெயலலிதா தலைமையில் அதிமுக ஆட்சி நடைபெற்ற போது, கவர்னர் சென்னாரெட்டி அந்த ஆட்சியை கடுமையாக விமர்சித்தார். இதையடுத்து, அவர் வெளியூர் சென்று விட்டு திரும்பும் போது, அவரது காரையே அதிமுகவினர் வழிமறித்து ஆர்ப்பாட்டம் செய்த சம்பவம் நடைபெற்றது. ஜெயலலிதாவும், மம்தாவும் எப்போதும் தங்கள் எதிர்ப்பை இப்படித்தான் காட்டுவார்கள்!


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST