பொருளாதார வீழ்ச்சியால் மகாராஷ்டிராவுக்கு கடும் பாதிப்பு.. மன்மோகன் சிங் பேச்சு

by எஸ். எம். கணபதி, Oct 17, 2019, 14:59 PM IST

பொருளாதார வீழ்ச்சியால் மகாராஷ்டிரா கடும் பாதிப்படைந்துள்ளது. 5 ஆண்டுகளில் பல தொழிற்சாலைகள் மூடப்பட்டுள்ளன என்று முன்னாள் பிரதமர் மன்மோகன் சிங் தெரிவித்துள்ளார்.

டெல்லியில் மன்மோகன் சிங் கூறியதாவது:

பொருளாதார சரிவால் நாடு முழுவதும் பாதிப்பு ஏற்பட்டுள்ளது. மகாராஷ்டிரா கடுமையாக பாதித்துள்ளது. கடந்த 5 ஆண்டுளில் இங்கு ஏராளமான தொழிற்சாலைகள் முடங்கி விட்டன. விவசாயிகளின் தற்கொலையில் மகாராஷ்டிராவே முதலிடம் வகிக்கிறது.
பொருளாதார வீழ்ச்சி, பாஜக அரசின் அக்கறையின்மை போன்றவற்றால் மக்களின் எதிர்பார்ப்புகள் தகர்ந்து விட்டன. மகாராஷ்டிராவில் உற்பத்தி துறை விகிதம் 4வது ஆண்டாக சரிந்து காணப்படுகிறது. மத்திய அரசின் பொருளாதார நிர்வாகம் மோசமான தோல்வியை அடைந்துள்ளது.

இவ்வாறு மன்மோகன் சிங் கூறியுள்ளார்.


Speed News

  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST