மகாராஷ்டிராவில் மீண்டும் பாஜக-சிவசனோ கூட்டணி ஆட்சி.. காங்கிரஸ் கூட்டணி தோல்வி..

by எஸ். எம். கணபதி, Oct 24, 2019, 13:02 PM IST

மகாராஷ்டிராவில் மீண்டும் பாஜக-சிவசனோ கூட்டணி ஆட்சி அமைக்கப்படுவது உறுதியாகி விட்டது. இந்த கூட்டணி 167 தொகுதிகளில் முன்னிலை வகிக்கிறது.

மகாராஷ்டிராவில் முதல்வர் பட்நாவிஸ் தலைமையில் பாஜக-சிவசேனா கூட்டணி ஆட்சி நடைபெற்றது. மொத்தம் உள்ள 288 சட்சபைத் தொகுதிகளிலும் கடந்த 21ம் தேதி தேர்தல் நடைபெற்றது. இந்த முறையும் பாஜக-சிவசேனா, காங்கிரஸ்-தேசியவாத காங்கிரஸ் கூட்டணிகள் நேரடியாக மோதின.

தேர்தலுக்கு பிந்தைய கணிப்புகளில் பாஜக-சிவசேனா கூட்டணியே மீண்டும் ஆட்சியைப் பிடிக்கும் என்று கூறப்பட்டது. டைம்ஸ்நவ் வெளியிட்ட கணிப்பில் பாஜக அணி 230, காங்கிரஸ் அணி 48, மற்றவை 10 இடங்களை கைப்பற்றும் என கூறப்பட்டது. இந்தியா டுடே கணிப்பில் பாஜக அணி 166-194, காங்கிரஸ் அணி 72-90, மற்றவை 22-34 இடங்களை கைப்பற்றும் என்றும், நியூஸ் 18 கணிப்பில் பாஜக அணி 244, காங்கிரஸ் அணி 39, மற்றவை 5 என்றும் ஏபிபி சி ஓட்டர் கணிப்பில் பாஜக அணி 210, காங்கிரஸ் அணி 63, மற்றவை 15 என்றும், நியூஸ் எக்ஸ் கணிப்பில் பாஜக அணி 188-210, காங்கிரஸ் அணி 74-89, மற்றவை 6-10 என்றும் கூறப்பட்டது.

இதே போல், பாஜக - சிவசேனா கூட்டணி மீண்டும் ஆட்சியைக் கைப்பற்றியுள்ளது. இன்று காலை 8 மணிக்கு வாக்குகள் எண்ணிக்கை தொங்கியது. முதல் சுற்றில் இருந்தே பாஜக, சிவசேனா வேட்பாளர்கள் முன்னிலையில் இருந்தனர். காலை 10 மணிக்கே பாஜக கூட்டணி 100 இடங்களுக்கு மேல் முன்னிலை வகித்தது. காங்கிரஸ் கூட்டணி 40 இடங்களில் மட்டுமே முன்னிலை வகித்தது.

பகல் 12 மணி நிலவரப்படி, பாஜக-சிவசேனா கூட்டணிக்கு ஆட்சி அமைக்கத் தேவையான 145 இடங்கள் உறுதியாகி விட்டது. பாஜக-சிவசேனா கூட்டணி 167 தொகுதிகளிலும், காங்கிரஸ்-தேசியவாத காங்கிரஸ் கூட்டணி 95 தொகுதிகளிலும், மற்றவை 26 தொகுதிகளிலும் முன்னிலையில் இருந்தன.

எனவே, மகாராஷ்டிராவில் பாஜக-சிவசேனா கூட்டணி ஆட்சி உறுதி செய்யப்பட்டு விட்டது. காங்கிரஸ் கூட்டணி கடந்த 2014 சட்டசபைத் தேர்தலில் 83 இடங்களே பிடித்தது. இம்முறை அதை விட 10 முதல் 15 தொகுதிகளை கூடுதலாக பிடிக்கும் என்று எதிர்பார்க்கப்படுகிறது.


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST