மக்களவை துணை சபாநாயகர் யார்? ஒய்எஸ்ஆர் கட்சிக்கு பாஜக தூண்டில் ... மவுனம் சாதிக்கும் ஜெகன்

by Nagaraj, Jun 12, 2019, 09:23 AM IST

மக்களவை துணை சபாநாயகர் பதவியை ஒய்எஸ்ஆர் காங்கிரஸ் கட்சிக்கு வழங்கி அக்கட்சியை தன் பக்கம் இழுக்க பாஜக வலை வீசுகிறது. ஆனால் ஜெகன் மோகன் ரெட்டியே பாஜக பக்கம் நெருக்கம் காட்ட தயங்குவதாக தகவல்கள் வெளியாகியுள்ளன.

மக்களவைத் தேர்தல் மற்றும் ஆந்திர சட்டப்பேரவைத் தேர்தல்களில் ஜெகன் மோகன் ரெட்டியின் ஒய்எஸ்ஆர் காங்கிரஸ் கட்சி அமோக வெற்றி பெற்றது. ஜெகன் மோகனின் அசுர வளர்ச்சி அனைவரின் கவனத்தையும் திரும்பிப் பார்க்க வைத்தது.ஆந்திராவில் இம்முறை ஒரு இடத்தில் கூட வெற்றி பெற முடியாத பாஜக, ஜெகன் மோகன் ரெட்டியை வளைத்துப் போட்டு அம்மாநிலத்தில் காலூன்ற திட்டமிடுகிறது. இதனால் ஜெகன் மோகனிடம் பிரதமர் மோடியும், மற்ற பாஜக தலைவர்களும் நெருக்கம் காட்டி வருகின்றனர்.

இதன் ஒரு கட்டமாக மக்களவைத் துணை சபாநாயகர் பதவியை ஒய்எஸ்ஆர் கட்சிக்கு வழங்க பாஜக முன் வந்துள்ளதாகத் தெரிகிறது. மத்திய அமைச்சர் பதவிக்கு இணையான பதவி இது.பொதுவாக துணை சபாநாயகர் பதவியை, ஆளுங்கட்சி வைத்துக் கொள்ளாமல் எதிர்க்கட்சி வரிசையில் அல்லது நட்புக் கட்சிகளுக்கு வழங்கப்படுவது மரபு. கடந்த ஆட்சியில் பாஜக கூட்டணியில் அங்கம் வகிக்காத அதிமுகவுக்கு வழங்கப் பட்டு, தம்பித்துரை துணை சபாநாயகராக இருந்தார். இந்த முறை 22 எம்.பி.க்களை பெற்றுள்ள ஒய்எஸ்ஆர் கட்சிக்கு வழங்க பாஜக மேலிடம் முடிவு செய்துள்ளதாகத் தெரிகிறது. ஆனால் ஜெகன் மோகன்ரெட்டியோ தயக்கம் காட்டுகிறாராம்.

இதனால் பாஜகவின் தேசிய செய்தித் தொடர்பாளரும் எம்.பி.யுமான நரசிம்மராவ், நேற்று ஜெகன் மோகனை நேரில் சந்தித்து நீண்டநேரம் பேச்சு நடத்தினார். ஆனாலும் ஜெகன் மோகன் பிடி கொடுக்கவில்லையாம்.

இதற்குக் காரணம், ஆந்திராவில் முஸ்லீம் மற்றும் கிறிஸ்தவர்களின் பெரும்பான்மை வாக்குகளை ஜெகன் மோகன் இம்முறை அறுவடை செய்தது தான். பாஜகவுடன் நெருங்கினால் சிறுபான்மையினரின் வாக்கு வங்கியில் பாதிப்பு ஏற்பட்டு விடுமோ என்ற அச்சப்படுகிறாராம். இதனால் யோசித்து முடிவெடுப்பதாக ஜெகன் மோகன் கூறிவிட்டாராம்.

நிதி ஆயோக் கூட்டத்தில் பங்கேற்க வரும் 15-ந் தேதி டெல்லி செல்கிறார் ஜெகன் மோகன். அங்கு பிரதமரையும், பாஜக தலைவர் அமித் ஷாவையும் ஜெகன் மோகன் தனியாக சந்திக்கவும் உள்ளார். அப்போது அவரை சரிக்கட்டி விடலாம் என பாஜக நினைக்கிறதாம். இதனால் துணை சபாநாயகர் பதவியை ஏற்க ஜெகன் மோகன் சம்மதிப்பாரா? மாட்டாரா? என்பது 15-ந் தேதி தெரிந்து விடும்.17-வது மக்களவையின் முதல் கூட்டத் தொடர் வரும் 17-ந் தேதி தொடங்க உள்ளது. எம்.பி.க்கள் பதவிப் பிரமாணம் முடிந்தவுடன் 19-ந்தேதி சபாநாயகர் மற்றும் துணை சபாநாயகர் பதவிக்கான தேர்தல் நடைபெற உள்ளது குறிப்பிடத்தக்கது.


Speed News

  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST
  • ஒரு லட்சத்து 6,750 பேருக்கு

    கொரோனா பரவியது..

    நாடு முழுவதும் கொரோனா பாதித்தவர்களின் எண்ணிக்கை ஒரு லட்சத்து  1,139 பேரில் இருந்து  ஒரு லட்சத்து 6,750 பேராக அதிகரித்துள்ளது. குணமடைந்தவர்களின் எண்ணிக்கை 39,174ல் இருந்து 41,298 ஆக அதிகரித்து்ள்ளது. கொரோனாவால் பலியானவர்களின் எண்ணிக்கை  3,163ல் இருந்து 3,303 ஆக உயர்ந்துள்ளது.

    May 20, 2020, 13:42 PM IST
  • மகாராஷ்டிராவில் கொரோனாவுக்கு

    1325 பேர் உயிரிழப்பு

    நாட்டிலேயே மகாராஷ்டிராவில்தான் மிகவும் அதிகமானோருககு கொரோனா பரவியிருக்கிறது. இது வரை 37,136 பேருக்கு கொரோனா தொற்று கண்டறியப்பட்டிருக்கிறது. இதில் 1325 பேர் சிகிச்சை பலனின்றி உயிரிழந்துள்ளனர். காவல்துறையில் மட்டும் 1388 பேருக்கு கொரோனா பரவியிருக்கிறது. இதில் 428 பேர் குணமடைந்துள்ளனர். 12 பேர் பலியாகியுள்ளனர். 

    May 20, 2020, 13:37 PM IST