ரபேல் வழக்கில் திருடப்பட்ட ஆவணங்களையும் பரிசீலிப்போம் உச்ச நீதிமன்றம் பரபரப்பு தீர்ப்பு

by எஸ். எம். கணபதி, Apr 10, 2019, 11:04 AM IST

ரபேல் வழக்கில், திருடப்பட்டதாக கூறப்பட்ட ஆவணங்களை விசாரிக்கக் கூடாது என்ற மத்திய அரசின் கோரிக்கையை நிராகரித்து உச்ச நீதிமன்றம் பரபரப்பான தீர்ப்பை அளித்துள்ளது. இது மோடி அரசுக்கு பெரும் பின்னடைவாக கருதப்படுகிறது.

ரபேல் போர் விமானங்கள் வாங்கியதில் ஊழல் நடந்துள்ளதாக காங்கிரஸ் குற்றம்சாட்டியது. மேலும், டசால்ட் நிறுவனத்துடன் 36 ரபேல் விமானங்கள் வாங்குவதற்கு போடப்பட்ட ஒப்பந்தத்தில் ஏராளமான சலுகைகள் வழங்கப்பட்டுள்ளதாகவும், இதனால் மத்திய அரசுக்கு பல ஆயிரம் கோடி ரூபாய் இழப்பு என்றும் இந்து ஆங்கில நாளிதழில் என்.ராம் எழுதி வந்தார். ராணுவத்தின் கொள்முதல் கமிட்டிகளின் பேச்சுவார்த்தைகளை புறந்தள்ளி விட்டு, பிரதமர் மோடி அலுவலகமே நேரடியாக தனிப் பேச்சுவார்த்தை நடத்தியதால், பிரதமர் நரேந்திர மோடிக்கு இந்த ஊழலில் தொடர்பு என்றும் குற்றம்சாட்டப்பட்டது.

இது தொடர்பாக, உச்ச நீதிமன்றத்தில் வழக்கு தொடுக்கப்பட்டது. அந்த வழக்கில் மத்திய அரசு தாக்கல் செய்த ரகசிய அறிக்கையில், ‘இந்த ஒப்பந்தத்தில் எந்த இழப்பும் ஏற்படவில்லை என்று சி.ஏ.ஜி. அறிக்கை கொடுத்துள்ளதாகவும், அது நாடாளுமன்றக் குழுவுக்கு அனுப்பப்பட்டுள்ளதாகவும் கூறியிருந்தது. இதை ஏற்று தலைமை நீதிபதி ரஞ்சன் கோகய் அமர்வு, கடந்த டிசம்பர் 14ம் தேதி அளித்த தீர்ப்பில் ஒப்பந்தத்தில் முறைகேடு எதுவும் நடக்கவில்லை என்று கூறி ஊழல் குற்றம்சாடடிய மனுக்களை தள்ளுபடி செய்தது.

ஆனால், அது தவறான தகவல் என்று வழக்கறிஞர் பிரசாந்த் பூஷன், யஸ்வந்த் சின்கா உள்ளிட்டோர் மறு ஆய்வு மனு தாக்கல் செய்தனர். அதில் இந்து நாளிதழில் வெளியான ஆவணங்களையும் தாக்கல் செய்தனர். இதையடுத்து, அந்த ஆவணங்கள் ராணுவ அமைச்சகத்தில் இருந்து திருடப்பட்ட ஆவணங்கள் என்பதால், அதை பரிசீலிக்கவே கூடாது என்று மத்திய அரசு வாதாடியது. ஆனால், திருடப்பட்ட ஆவணங்கள் என்றால் அதில் கூறப்பட்ட குற்றச்சாட்டுகளை மறுத்து விட முடியுமா? என்ற நீதிபதிகள் கேள்வி எழுப்பினர்.

இந்த சூழலில், இந்த மறு ஆய்வு மனுக்கள் மீதான தீர்ப்பை தலைமை நீதிபதி ரஞ்சன் கோகய், நீதிபதிகள் எஸ்.கே.கவுல், கே.எம். ஜோசப் இன்று வழங்கினர். அதில் அவர்கள், ‘‘இந்து நாளிதழில் வெளியான ஆவணங்கள், திருடப்பட்ட ஆவணங்கள் என்பதால் அதை பரிசீலிக்கக் கூடாது என்று மத்திய அரசு வாதாடியது. ஆனால், அதை நாங்கள் நிராகரிக்கிறோம். அந்த ஆவணங்கள் அடிப்படையில் விரிவான விசாரணை நடத்தப்பட வேண்டும்’’ என்று கூறியுள்ளனர்.

இதன் மூலம், ரபேல் போர் விமான ஒப்பந்தம் தொடர்பான ஊழல் குற்றச்சாட்டுகளை விசாரிக்க வாய்ப்பு ஏற்பட்டுள்ளது. இது பிரதமர் மோடி அரசுக்கு கடும் நெருக்கடி தரும் என்பது சந்தேகமல்ல. மேலும், தேர்தல் நேரத்தில் எதிர்க்கட்சிகளுக்கு மோடி அரசை எதிர்த்து கடுமையாக பிரச்சாரம் செய்ய வாய்ப்பு கொடுத்துள்ளது.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST