நியூசிலாந்துடனான கடைசி டி-20 போட்டி இன்று நடைபெறுகிறது.
3 போட்டி தொடரில் இரு அணிகளும் தலா ஒரு போட்டியில் வெற்றி பெற்றுள்ளதால் இன்றைய போட்டி பைனல் போல் விறுவிறுப்பாக இருக்கும் என எதிர்பார்க்கப்படுகிறது.
ஏற்கனவே ஒரு நாள் தொடரை 4-1 என்ற கணக்கில் வெற்றி பெற்று சாதனை படைத்துள்ளது இந்திய அணி. இன்று ஹாமில்டனில் நடைபெறும் கடைசி டி-20 போட்டியிலும் வென்று தொடரை கைப்பற்றும் பட்சத்தில் நியூசிலாந்து மண்ணில் டி-20 தொடரை முதன் முறையாக கைப்பற்றிய சாதனையை இந்தியா படைக்கும்.
நியூசிலாந்து அணியும் வெற்றி பெறும் முனைப்பில் உள்ளதால் இன்றைய போட்டி இரு அணிகளுக்கும் கடும் சவாலாக இருக்கும் என்று எதிர்பார்க்கப்படுகிறது.
