பெரியார் இப்போது இருந்தால் செருப்பு மாலை போட்டிருப்பேன்.. பாபா ராம்தேவ் மீண்டும் சர்ச்சை

by எஸ். எம். கணபதி, Nov 19, 2019, 11:27 AM IST

பெரியார் இப்போது உயிருடன் இருந்தால், அவருக்கு செருப்பு மாலை போடுவேன் என்று பாபா ராம்தேவ் மீண்டும் பேசியுள்ளார்.

தமிழகத்தில் சட்டமன்றத் தேர்தலுக்கு இன்னும் ஓராண்டு காலமே இருப்பதால், பாஜக மறைமுகமாக தனது வேலையை துவங்கி விட்டது. திருவள்ளுவர் இந்து துறவி என்று கூறி, பாஜகவினர் அவருக்கு காவி உடை போட்டு படங்களை வெளியிட்டனர். அக்கட்சியின் தேசிய செயலாளர் எச்.ராஜா ஒரு படி மேலே போய், திருக்குறளே சனாதன தர்மத்தின் அடிப்படையில் எழுதப்பட்டது என்று தெரிவித்தார். இதையடுத்து, திமுக உள்ளிட்ட திராவிட இயக்கங்கள்(அதிமுக நீங்கலாக), இடதுசாரிகள் மற்றும் தமிழ்தேசிய சிந்தனையாளர்கள் கடும் எதிர்ப்பு தெரிவித்தனர்.

இதன்பின்னர், இந்த சர்ச்சையை எதிர்பாளர்கள் கைவிட்டாலும் பாஜகவினர் விட மறுக்கிறார்கள். அது மட்டுமல்ல. இந்து மதரீதியான உணர்வுகளை தூண்டுவது மட்டுமே தங்கள் குறிக்கோள் என்ற ரீதியில் தங்கள் தேர்தல் பிரச்சாரப் பணிகளை துவக்கி விட்டனர்.

இந்நிலையில், பாஜகவின் ஆதரவு ரிபப்ளிக் டி.வி.யில் யோகா குரு பாபா ராம்தேவ் சமீபத்தில் ஒரு பேட்டியளித்தார். அதில் அவர், பெரியார், அம்பேத்கார் ஆகியோரின் தொண்டர்களை பற்றி நான் கவலைப்படுகிறேன். அவர்களின் செயல்கள் தீவிரவாதச் செயல்களாக இருப்பதால் அதைக் கண்டு அஞ்சுகிறேன். பெரியார் ஒரு அறிவார்ந்த தீவிரவாதி என்று கூறியுள்ளார்.

இதையடுத்து, திமுக தலைவர் ஸ்டாலின் தனது ட்விட்டர் பக்கத்தில் ராம்தேவ் பெயரை குறிப்பிடாமல், பெரியாரை பற்றியும், பெரியாரின் சித்தாந்தங்களை பற்றியும் வலதுசாரிகள் திட்டமிட்டு குறிவைத்து தாக்குவதை கடுமையாக கண்டிக்கிறேன். பெரியார் ஏழைகளுக்காக பாடுபட்டவர். பெண்களின் சுதந்திரத்திற்கு குரல் கொடுத்தவர். சாதி ஒழிப்புக்காக போராடியவர். திராவிடக் கொள்கைகளை ஒடுக்க நினைக்கும் சக்திகளை எதிர்த்து கொள்கைகளை காப்போம் என்று கூறியிருந்தார். இதே போல், திராவிட இயக்க சிந்தனையாளர்கள் கடும் கண்டனம் தெரிவித்தனர்.

இந்நிலையில், மீண்டும் ஒரு வீடியோ வெளியிட்டிருக்கிறார். அதில் அவர், கடந்த 2, 3 நாட்களாக பெரியார் தொண்டர்கள் என் பின்னால் வருகிறார்கள். பெரியார் உயிருடன் இருக்கும் போது சாமி சிலைகளுக்கு செருப்பு மாைல போட்டாராம். ராமர், கிருஷ்ணருக்கு செருப்பு மாலை போட்டாராம். நல்லவேளை அவர் இப்போது உயிருடன் இல்லை.

நான் இருக்கும் போது அவர் இருந்தால், அவருக்கு அதை விட அதிகமான செருப்பு மாலைகள் போட்டிருப்பேன். அவரால் தப்பித்திருக்கவே முடியாது. என்ன செய்வது? அவர் காலத்தில் நான் இல்லை என்று நக்கலாக பேசியிருக்கிறார். இதே போல், அம்பேத்காரையும் ராம்தேவ் விமர்சித்திருக்கிறார். இதற்கு பலரும் கண்டனம் தெரிவித்துள்ளனர்.

இது பற்றி, திமுக பிரமுகர் ஒருவர் கூறுகையில், பாஜகதான் எப்படியாவது இந்து மத உணர்வைத் தூண்டி விட்டு, தமிழகத்தில் கால் பதித்து விட வேண்டும் என்று மறைமுகமாக பல்ேவறு வழிகளில் திராடவிக் கொள்கைகளை ஒழிக்க பார்க்கிறது. இந்து மக்களிடம் இறையுணர்வை தூண்டி விட்டு, அரசியல் செய்யலாம் என்று நினைக்கிறது. அதற்கு இடம் அளித்து விடக் கூடாது என்பதால், பொறுமையாக அதை எதிர்கொண்டு வருகிறோம் என்றார்.


Leave a reply

Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST

More Tamilnadu News