Thursday, May 13, 2021

வாட்ஸ் அப் மூலம் பணம் அனுப்பும் வசதி வந்தாச்சு..

வாட்ஸ்அப் மூலம் பணம் அனுப்பும் வசதி இந்தியாவில் அறிமுகப்படுத்தப்பட்டுள்ளது.

by Balaji Nov 8, 2020, 09:51 AM IST

இந்த சேவைக்காக வாட்ஸ் அப் நிறுவனம் இந்திய வங்கிகளுடன் கூட்டு சேர்ந்துள்ளது. யுபிஐ ஆதரவு பயன்பாட்டைப் பயன்படுத்தி இனி எவருக்கும் வாட்ஸ்அப்பில் பணம் அனுப்ப முடியும் பணம் பெறவும் முடியும் என்று வாட்ஸ்அப் நிறுவனம் தெரிவித்துள்ளது. 400 மில்லியனுக்கும் அதிகமான பயனர்களைக் கொண்ட, வாட்ஸ்அப், யுபிஐயில் முறையில் பணம் அனுப்பும் வசதியை அளிக்க நேஷனல் பைமெண்ட் பேமெண்ட் கார்ப்பரேஷன் ஆப் இந்தியா (என்.பி.சி.ஐ) வின் ஒப்புதலைப் பெற்றுள்ளது. எனினும் இந்த சேவை முதற்கட்டமாக 2 கோடி வாட்ஸ் அப் பயனர்களுக்கு வழங்கப்படுகிறது. வாட்ஸ் அப்பின் 10 இந்திய பிராந்திய மொழி பதிப்புகளில் இந்த சேவை வழங்கப்படுகிறது இப்போது கிடைக்கிறது.

இந்த சேவைக்காக ஐ.சி.ஐ.சி.ஐ வங்கி, எச்.டி.எஃப்.சி வங்கி, ஆக்சிஸ் வங்கி, ஸ்டேட் பாங்க் ஆப் இந்தியா மற்றும் ஜியோ பேமென்ட்ஸ் வங்கி ஆகிய ஐந்து இந்திய வங்கிகளுடன் கூட்டு சேர்ந்துள்ளதாகவும் வாட்ஸ் அப் தெரிவித்துள்ளது. இந்தியாவில் உள்ள ஐந்து முன்னணி வங்கிகளுடன் இணைந்து பணியாற்றுவதில் நாங்கள் மகிழ்ச்சியடைகிறோம் என வாட்ஸ்அப் நிறுவனம் தெரிவித்துள்ளது. பணம் நேரடியாக இரண்டு வங்கிக் கணக்குகளுக்கு இடையில் மாற்றப்படுகிறது. வாட்ஸ் அப்பில் பணம் செலுத்தும் அம்சம் BHIM UPI ஆல் இயக்கப்படுகிறது. இந்தியாவில் பணத்தை அனுப்ப அல்லது பெற, வங்கி கணக்கு மற்றும் டெபிட் கார்டு வைத்திருப்பது அவசியம் என்றும் வாட்ஸ் அப் கூறியுள்ளது.

வாட்ஸ்அப் வங்கிகளுக்கு பணம் செலுத்தும் சேவை வழங்குநர்கள் என்று அழைக்கப்படுகிறது. இது அனுப்புபவர் மற்றும் பெறுபவரின் வங்கி கணக்குகளுக்கு இடையில் யுபிஐ வழியாக பணத்தை மாற்றுகிறது. அதே சமயம் கூகிள் பே, ஃபோன் பே, பிஹெம் பயன் பாடுகளைப் போல வாலட்டுகளில் (wallet) எந்தத் தொகையையும் வைத்திருக்க வேண்டியதில்லை. பணம் நமது வங்கிக் கணக்கில் இருக்கும், ஒருவர் பணம் அனுப்பும் போது அவரது வங்கிக் கணக்கில் இருந்து தான் நேரடியாக மற்றொரு வங்கி கணக்கு பணம் மாற்றப்படும். பணம் செலுத்துவதற்கு வாட்ஸ்அப்பைப் பயன்படுத்தும் ஒரு பயனர் ஒவ்வொரு பரிவர்த்தனைக்கும் தனிப்பட்ட யுபிஐ பின் நம்பரை பயன்படுத்த வேண்டும் .

You'r reading வாட்ஸ் அப் மூலம் பணம் அனுப்பும் வசதி வந்தாச்சு.. Originally posted on The Subeditor Tamil

More Technology News

அண்மைய செய்திகள்