வருகின்ற மார்ச் மாதம் ஒன்பிளஸ் 9 வரிசையில் புதிய ஸ்மார்ட்போன் சந்தையில் அறிமுகமாகும் என்று எதிர்பார்க்கப்படுகிறது. அதன் காரணமாக கடந்த ஆண்டு அறிமுகம் செய்யப்பட்ட ஒன்பிளஸ் 8 ப்ரோ மற்றும் ஒன்பிளஸ் 8டி ஆகிய இரண்டு ஸ்மார்ட்போன்களின் விலையை அந்நிறுவனம் குறைத்துள்ளதாகக் கூறப்படுகிறது.
கடந்த ஆண்டு ஏப்ரல் மாதம் இந்தியாவில் அறிமுகம் செய்யப்பட்ட ஒன்பிளஸ் 8 ப்ரோவின் இரண்டு இயக்கவேக அளவுகள் கொண்ட சாதனங்கள் சந்தைக்கு வந்தன. 8ஜிபி மற்றும் 12 ஜிபி என்று இரு வகையில் அது கிடைக்கிறது.
கடந்த ஆண்டு அக்டோபர் மாதம் ஒன்பிளஸ் 8டி அறிமுகம் செய்யப்பட்டது. அதுவும் 8 ஜிபி மற்றும் 12 ஜிபி இயக்கவேகங்கள் கொண்ட இருவகையாக விற்பனையாகி வருகிறது. தற்போது ஒன்பிளஸ் 8 ப்ரோ மற்றும் ஒன்பிளஸ் 8டி ஆகிய இரு ஸ்மார்ட்போன்களின் விலையையும் நிறுவனம் குறைத்துள்ளது.
ஒன்பிளஸ் 8 ப்ரோ ஸ்மார்ட்போனின் சிறப்பம்சங்கள்:
தொடுதிரை: 6.78 அங்குலம் குவாட் எச்டி+ (1440X3168 பிக்ஸல்)
இயக்கவேகம்: 8 ஜிபி மற்றும் 12 ஜிபி
சேமிப்பளவு: 128 ஜிபி
முன்புற காமிரா: 16 எம்பி ஆற்றல்
பின்புற காமிரா: 48 எம்பி + 48 எம்பி + 8 எம்பி + 5 எம்பி ஆற்றல் கொண்ட குவாட் ரியர் காமிரா
(எல்இடி பிளாஷ், சோனி ஐஎம்எக்ஸ்586 சென்சார், 119.7 டிகிரி அல்ட்ராவைல்டு லென்ஸ், டெலிபோட்டோ சென்சார் மற்றும் கலர் ஃபில்டர் கொண்டது)
பிராசஸர்: குவல்காம் ஸ்நாப்டிராகன் 865
இயங்குதளம்: ஆண்ட்ராய்டு 10
மின்கலம்: 4150 mAh
சார்ஜிங்: வார்ப் சார்ஜ் 30டி ஃபாஸ்ட் சார்ஜிங், 30W வயர்லெஸ் ஃபாஸ்ட் சார்ஜிங், வயர்லெஸ் ரிவர்ஸ் சார்ஜிங்
8ஜிபி இயக்கவேகம் கொண்ட ஒன்பிளஸ் 8 ப்ரோ, ரூ.4,000/- விலை குறைக்கப்பட்டு, ரூ.50,999/- ரூபாய்க்கும், 12 ஜிபி இயக்கவேகம் கொண்ட ஒன்பிளஸ் 8 ப்ரோ ஸ்மார்ட்போன் ரூ.55,999/- விலைக்கும் கிடைக்கிறது.
ஒன்பிளஸ் 8டி ஸ்மார்ட்போனின் சிறப்பம்சங்கள்:
தொடுதிரை: 6.55 அங்குலம் ஃப்ளூய்ட் AMOLED எஃப்எச்டி+ இயக்கவேகம்: 8 ஜிபி மற்றும் 12 ஜிபி
சேமிப்பளவு: 128 ஜிபி
முன்புற காமிரா: 16 எம்பி ஆற்றல்
பின்புற காமிரா: 48 எம்பி + 16 எம்பி + 5 எம்பி + 2 எம்பி ஆற்றல்
பிராசஸர்: குவல்காம் ஸ்நாப்டிராகன் 865
இயங்குதளம்: ஆண்ட்ராய்டு 11
மின்கலம்: 4500 mAh
சார்ஜிங்: 65W வார்ப் சார்ஜிங்
டூயல் ஸ்டீரியோ ஸ்பீக்கர்கள் கொண்ட ஒன்பிளஸ் 8டி ஸ்மார்ட்போனின் 8 ஜிபி இயக்கவேகம் கொண்ட சாதனம் ரூ.3,000/- விலை குறைக்கப்பட்டு ரூ.39,999/- விலையிலும், 12 ஜிபி இயக்கவேகம் கொண்ட ஒன்பிளஸ் 8டி ஸ்மார்ட்போன் ரூ.42,999/- விலையிலும் கிடைக்கிறது.
