#MeToo மூலம் எத்தனையோ பெண்கள் பல துறைகளில் இருந்தும் தங்களுக்கு நேர்ந்த அவலங்களை வெளிச்சத்துக்கு கொண்டு வந்து கொண்டிருக்கின்றனர். அதில் உண்மைகளும் இருக்கின்றன, சில சுவாரஸ்யப் பொய்களும் இருக்கின்றன.
எதை நம்புவது, எதை மறுப்பது என்றே தெரியாமல் முழிக்கிறோம். அந்த அளவுக்கு இந்த #MeToo வைப் பகுத் தாராய்ந்து பார்க்க வேண்டி இருக்கிறது. சமீபத்தில் #MeToo புகார்கள் இந்தியாவில் ஒரு பிரபலமடைந்த சமயம் தமிழில் `தீராத விளையாட்டுப் பிள்ளை’ திரைப்படம் மூலம் பிரபலமான நடிகை தனுஸ்ரீ தத்தா மூன்று முறை தேசிய விருதுகளைப் பெற்ற நடிகர் நானா படேகர் #MeToo புகார் தெரிவித்திருந்தார். இவரின் குற்றச்சாட்டுக்கு பிறகு பாலிவுட்டில் பலர் MeToo புகார்கள்தெரிவித்தனர். இயக்குனர்கள் மீதும், புகழ்பெற்ற நடிகர்கள் மீதும் புகார்கள் குற்றச்சாட்டுகள் சுமத்தப்பட்டன.
தற்போது இந்த MeToo மூலம் சொல்லப்பட்ட பாலியல் புகார்களை எல்லாம் வைத்து குறும்படம் ஒன்றை இயக்கியுள்ளார் தனுஸ்ரீ தத்தா. ‘கார்டியன் ஏஞ்சல்’ என்று பெயரிட்டுள்ள இந்தப் படத்தில் வாய்ப்பு தேடும் நடிகைகள் இயக்குனர், நடிகர்களால் எப்படி பாலியல் தொல்லைகளுக்கு ஆளாக்கப்படுகின்றனர் என்பதை அவர் காட்சிப்படுத்தியுள்ளார். இந்தப் படத்தின் பணிகள் முடிந்துவிட்டதாக கூறியுள்ளார் தனுஸ்ரீ.
இந்த குறும்படம் விரைவில் வெளியாகவுள்ளதால், பாலிவுட்டில் மீண்டும் ஒரு புயல் போவதாக அங்குள்ள டெக்னீஷியன்கள் பேசி வருகின்றனர்.
