12 வருடங்களுக்கு பிறகு மீண்டும் இணையும் `ஹிட் பாடல் ஜோடி.. இந்த முறையும் ஹிட் டூயட் கொடுப்பார்களா

லைகா நிறுவனம் தயாரிப்பில் கே.வி.ஆனந்த் இயக்கத்தில் வெளியாக இருக்கும் சூர்யாவின் 37வது திரைப்படம் காப்பான்.  சூர்யாவுடன் மோகன்லால், பொம்மன் இரானி, ஆர்யா, சயிஷா உள்ளிட்ட பலர் நடித்துள்ளனர்.  படத்தின் பெரும் படப்பிடிப்பு முடிந்துவிட்ட நிலையில், பாடல்காட்சிகள் படமாக்கும் வேலையில் இருக்கிறார்கள் படக்குழுவினர்.

சூர்யா - சயிஷா இருவருக்கும் இடையிலான காதல் பாடல் ஒன்று படமாக்கவிருக்கிறார்கள்.  அதற்கான பாடல் பதிவு வேலைகள் அண்மையில் நடந்தது. அந்தப் பாடலை பொன்னி தயாளும் தர்ஷனாவும் இணைந்து பாடியுள்ளனர். சுவாரஸ்யமான தகவல் என்னவென்றால், கடந்த 2007ல் விஜய் நடிப்பில் வெளியான அழகிய தமிழ் மகன் படத்தில் ஏ.ஆர்.ரஹ்மான் இசையில் தெறி ஹிட்டான ‘மதுரைக்கு போகாதடி...’  பாடலைப் இவர்களே இணைந்து பாடினர். 12  வருடங்கள் கழித்து பொன்னி தயாளும் தர்ஷனாவும் இணைந்து பாடும் பாடல் இது. கூடுதல் தகவல் என்னவென்றால், அந்த பாட்டின் மூலமாக தான் தர்ஷனா பாடகியாக அறிமுகமானார்.

காப்பான் படத்துக்காக ஹாரிஷ் ஜெயராஜ் இசையில் கபிலன் வரிகளில் பொன்னி தயாளும் தர்ஷனாவும் இணைந்து பாடியுள்ளனர். இப்பாடல் பெரிய வரவேற்பையும் பெறும் என்று சொல்லப்படுகிறது.

You'r reading 12 வருடங்களுக்கு பிறகு மீண்டும் இணையும் `ஹிட் பாடல் ஜோடி.. இந்த முறையும் ஹிட் டூயட் கொடுப்பார்களா Originally posted on The Subeditor Tamil