நடிகர் விஜய்யின் பிறந்த நாளைக்கு இன்னும் 50 நாட்கள் இருக்கும் நிலையில், அவரது தீவிர ரசிகர்கள் தற்போதே, பிறந்த நாள் கொண்டாட்டத்தை சமூக வலைதளங்களில் தொடங்கி விட்டனர். ட்விட்டரில் தலைவா விஜய் என்ற ஹேஷ் டேக் இந்தியளவில் ட்ரெண்டாகி வருகின்றது.
நடிகர் விஜய்யின் பிறந்த நாள் வரும் ஜூன் 22ம் தேதி கொண்டாடப்படுகிறது. ஆனால், 50 நாளைக்கு முன்பாகவே அவரது ரசிகர்கள் விஜய் பிறந்த நாள் திருவிழாவை கொண்டாட தொடங்கி விட்டனர். சமூக வலைதளங்களில் 50 டேஸ் டு விஜய் பர்த்டே என்ற ஹேஷ்டேகும், தலைவா விஜய் என்ற ஹேஷ்டேகும் வைரலாகி வருகின்றன.
மேலும் சில தீவிர தளபதி ரசிகர்கள் விஜய் பிறந்த நாள் வர இன்னும் 50 நாட்கள் தான் இருக்கின்றது என போஸ்டர்கள் அடித்தும் ஒட்டியுள்ளனர். விஜய் ரசிகர்கள் செய்யும் இந்த அலப்பறைகளை பார்த்து பொறுக்க முடியாத அஜித் ரசிகர்கள் மீம்ஸ்களையும் பதிவிட்டு வருகின்றனர்.
அவெஞ்சர்ஸ் எண்ட்கேம் படம் இந்தியாவில் மாபெரும் தாக்கத்தை ஏற்படுத்தியுள்ள நிலையில், சில ரசிகர்கள் மார்வெல் டைட்டில் டிராக் போல விஜய்யின் படங்களை சின்ன அனிமேஷன் வீடியோவாகவும் உருவாக்கி பதிவிட்டு வருகின்றனர்.
இந்த ரசிகர்களின் ஏக்கம் ஜூன் 22ம் தேதியன்று தளபதி 63 படத்தில் இருந்து ஒரு நல்ல அப்டேட் கிடைக்குமா என்பது மட்டும் தான்.
.jpg)