பிகில் முதல்நாள் வசூலைவிட 2வது நாள் வசூல் குறைவு... கைதி படத்துக்கு 30 சதவீதம் தியேட்டர்கள் அதிகரிப்பு..

by Chandru, Oct 28, 2019, 20:08 PM IST

தளபதி விஜய் இரட்டை வேடத்தில் நடித்துள்ள பிகில் திரைப்படம் கடந்த 25ம் தேதி உலகம் முழுவதும் திரைக்கு வந்து வரவேற்பை பெற்றது. பெண்கள் கால்பந்து போட்டியை மையமாக வைத்து இக்கதை அமைக்கப்பட்டிருக்கிறது. நயன்தாரா கதாநாயகியாக நடித்துள்ளார். ஏஜிஎஸ் என்டர்டெயின்மென்ட் நிறுவனம் பிரமாண்டமாக தயாரித்திருக்கிறது. இந்தப் படத்தை அட்லீ இயக்கியிருந்தார். ஏ.ஆர்.ரஹ்மான் இசை அமைத்திருக்கிறார்.

தீபாவளியை யொட்டி பிகில், கைதி என இரண்டு படங்கள் வெளியாகவிருந்த நிலையில் பிகில் படத்தை திரையிடுவதற்கு மட்டுமே பெரும்பாலான தியேட்டர்களில் முன்னுரிமை அளிக்கப்பட்டது. எதிர்பார்த்தது போலவே பிகில் ஓப்பனிங் தாறுமாறு தக்காளி சோறாக இருந்தது. படத்தை திரையிட தாமதமானதால் ஒரு இடத்தில் ரசிகர்கள் வன்முறையில் ஈடுபட்ட சம்பவமும் நடந்தது. முதல் நாள் பிகில் படம் வசூலை 25 கோடி வசூலை அள்ளியது.

படத்திற்கு தொடக்கத்தில் பாசிடிவான விமர்சனங்கள் வந்த நிலையில் அதைத் தொடர்ந்து நெகடிவ் விமர்சனங்களும் வந்தன. யூ டி யூப் விமர்சனத்தில் பிகில் படத்தை கன்னாபின்னா வென்று விமர்சித்து எதற்காக இந்த படத்தை எடுத்தார்கள் என்று ஒரு சிலர் புலம்பித்தள்ளி விட்டனர். அதேசமயம் கார்த்தியின் கைதி படத்தை தூக்கி வைத்து பாராட்டினார்கள்.

பிகில் படத்துக்கு வந்த எதிர்மறை விமர்சனம், கைதிக்கு வந்த பாசிடிவ் விமர்சனங்கள் தற்போது வசூலில் மாற்றத்தை ஏற்படுத்தி யிருக்கிறதாம். அதாவது பிகில் படத்தின் 2வது நாள் வசூல் 16 கோடி ரூபாய் ஆனதாக கூறப்படுகிறது. மூன்றாவது நாளில் பிகில் படத்துக்கு கூட்டம் பெருமளவு குறைந்து விட்டதாக கூறப்படுகிறது. அதேசமயம் கைதி படத்திற்கு தற்போது தியேட்டர்களின் எண்ணிக்கை 30% கூடுதலாகியிருக்கிறதாம்.
பிகில். கைதி படங்களுக்கு கூட்டம் அதிகரித் தாலும் குறைந்தாலும் கடைசியாக வசூல் மன நிறைவாகவே இருக்கிறது என்கிறது பட வட்டாரங்கள்.

இதற்கிடையில் கேரளாவில் வெளியான பிகில் ரூ 10 கோடி வசூல் செய்து விட்டதாம். அதன்படி படத்தை வாங்கிய விலையை விட கடந்து 3 நாட்களில் லாபத்தை அடைந்துள்ளது என்பது குறிப்பிடத்தக்கது.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST