தணிக்கை அதிகாரிகளுடன் இருட்டு பட டைரக்டர் வாக்குவாதம்... சென்சார் அலுவலகத்தில் பரபரப்பு..

by Chandru, Dec 3, 2019, 17:45 PM IST
சுந்தர்.சி போலீஸ் அதிகாரியாக நடிக்க அவருக்கு ஜோடியாக சாக்‌ஷி நடிக்கும் படம் இருட்டு. இப்படத்தை வி.இசட்.துரை டைரக்டு செய்திருக்கிறார். இதில் விமலா ராமன், யோகிபாபு, விடிவி கணேஷ் உள்ளிட்டோர் நடித்திருக்கின்றனர்.
இஸ்லாமியர் நம்பும் ஜின் என்ற பிறவியை மையமாக வைத்து இப்படத்தின் கதை அமைக்கப்பட்டிருக்கிறது. திகில் கலந்த துப்பறியும் கதையான இப்படம் தணிக்கை சான்றிதழுக்காக அதிகாரிகளுக்கு திரையிடப் பட்டது. படத்தை பார்த்த அதிகாரிகள் படத்தில் திகிலூட்டும் காட்சிகள் நிறைய இருக்கிறது.
அதை பாதியாக குறைக்க வேண்டும், மேலும் பாடல் காட்சியில் மிகவும் நெருக்கமான காட்சிகள் இருக்கிறது. அதையும் குறைக்க வேண்டும், இஸ்லாமியர்கள் நம்பும் ஜின் பற்றிய கதையாக இருப்பதால் அதற்கு நீங்கள்தான் பொறுப்பு ஏற்க வேண்டும் என்று அடுக்கடுக்காக வாதங்கள் வைத்ததுடன் படத்துக்கு ஏ சான்றிதழ்தான் வழங்க முடியும் என்றனர். அதைக்கேட்டு அதிர்ச்சி அடைந்த இயக்குனர் படத்துக்கு யூ/ஏ சான்று கேட்டு வாதம் செய்தார். இதனால் பரபரப்பு ஏற்பட்டது. ஆனாலும் இயக்குனர் கூறியதை அதிகாரிகள் ஏற்க மறுத்தனர். பின்னர் குறிப்பிட்ட காட்சிகளை சென்சார் செய்ய இயக்குனர் சம்மதித்தார். இதுகுறித்து இயக்குனர் துரை கூறும்போது,
இருட்டு படத்துக்கு யூ/ஏ சான்று வாங்குவதற்குள் சென்சார் அதிகாரிகளுடன் பெரிய வாக்குவாதமே செய்ய வேண்டி இருந்தது. உலக அளவில் வரும் திகில் படங்களை ரசிகர்கள் பார்க்கிறார்கள். யாரும் பயந்தது போல் தெரியவில்லை. அப்படியிருக்க இப்படம் எப்படி ரசிகர்களை பயமுறுத்தும் என்று அதிகாரிகளை கேட்டதுடன், இஸ்ஸாமியத்தில் நம்பும் ஜின் எனப்படும் ஒரு பிறப்பை வைத்து கதை உருவாக்கியதற் காக ஏதாவது பிரச்னை வந்தால் நானே பொறுப்பு ஏற்றுக்கொள்வதாக கடிதம் எழுதி தந்தேன்.
ஜின் பற்றி தவறாக எதுவும் படத்தில் காட்டவில்லை. சுமார் 20 காட்சிகள் வெட்டப் பட்டு அதன்பிறகே யூ/ஏ சான்றிதழ் தரப் பட்டது. தணிக்கை முறையால் சொல்ல வந்த கருத்தை வெளிப்படுத்த முடியாத நிலை உள்ளது. அதனால்தான் வெப் சீரியல் இயக்க வும் முடிவு செய்திருக்கிறேன். அதற்கு தணிக்கை கிடையாது. வெளிப்படையாக கருத்துக்களை எடுத்து வைப்பேன்.
இதற்கிடையில் சிம்பு நடிக்கும் புதிய படம் இயக்க உள்ளேன். வரும் பிப்ரவரி மாதம் இதன் தொடக்க விழா நடக்கும். சிம்புவை வைத்து தொட்டி ஜெயா 2ம் பாகமும் எடுக்க உள்ளேன். நிச்சயம் வரும்
இவ்வாறு வி.இசட்.துரை கூறினார்.


Leave a reply

Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST

More Cinema News