நடிகர் விவேக் கொரோனா ஊரடங்கின் போது விழிப்புணர்வு வீடியோக்கள் வெளியிட்டு வந்தார். இந்நிலையில் திடீரென்று டிவிட்டரிலிருந்து தற்காலிகமாக விலகுவதாகவும் அதற்குத் தனிப்பட்ட காரணங்கள் இருப்பதாகவும் தெரிவித்திருந்தார். தற்போது மீண்டும் டிவிட்டரில் இணைந்திருப்பதாகத் தெரிவித்திருக்கிறார்.
நண்பர்களே. ரசிகர்களே நான் மீண்டும் (டிவிட்டருக்கு)வந்து விட்டேன். ரஜினி நடித்த சிவாஜி படத்திலிருந்து நான் நடித்த ஒரு காட்சி நீக்கப்பட்டது. அது இந்த காட்சிதான் என ஒரு வீடியோவையும் வெளியிட்டிருக்கிறார் விவேக்.அந்நியன் படத்தில் நடிகர் விக்ரம் அந்நியன் மற்றும் அம்பி போல் பிரகாஷ்ராஜிடம் குரல் மாற்றி மாற்றிப் பேசி நடித்த காட்சிபோல் விவேக் நடித்திருக்கும் காட்சிதான் வீடியோவில் இடம் பெற்றிருக்கிறது.
