திரைப்படத் தயாரிப்பாளர்சத்யஜோதி பிலிம்ஸ் டி,ஜி.தியாகராஜன் இந்தியத் தொழிற்கூட்டமைப்பின் (Confederation of IndianIndustry) ஊடக மற்றும் பொழுதுபோக்கு பணிக்குழுவின் (தெற்குப் பிராந்தியம்) தலைவராக நியமிக்கப்பட்டுள்ளார்.
பொழுதுபோக்கு மற்றும் ஊடகத் தொழில் துறையின் முன்னேற்றத்துக்காகப் பாடுபட்டு வரும் அமைப்பே CII ஆகும்.
இதுகுறித்து அவர் கூறும்போது.“இந்த ஆச்சரியமான செய்தி திடீரென்று வந்துள்ளது; CII எனக்கு அளித்துள்ள இந்த கௌரவம் குறித்து பெருமகிழ்ச்சி அடைகிறேன். தற்பொழுது பிற தொழில்துறைகளைப் போலவே திரைத்துறையும் ஒரு மாபெரும் சவாலை எதிர்நோக்கியுள்ளது. இத்தகைய சிக்கலான காலகட்டத்தில் இப்படியான புதிய பொறுப்பை நான் பெற்றுள்ளதால் எனக்கு இன்னும் சவாலான பலவேறு பல பணிகள் காத்துள்ளன; அவற்றைச் செய்துமுடிக்கும் நன்னாளை எதிர்நோக்கி நான் காத்திருக்கிறேன். திரைப்படத் தயாரிப்பாளராகவும் திரைத்துறையில் பல ஆண்டுகள் தீவிரப் பணியில் ஈடுபட்டிருந்த ஒருவனாகவும் எனது நீண்ட பயணம் எனக்குத் தந்துள்ள பயனுள்ள அனுபவத்தினால் எனது இப்புதிய பணியில் நான் வெற்றியை அடைவேன் என்று நம்புகிறேன். கௌரவமிக்க இப்பதவிக்கு என்னை நியமித்த CII உறுப்பினர்களுக்கு எனது நன்றியைக் காணிக்கையாக்குகிறேன்.
125 வருட காலப் பாரம்பரியமிக்க CII-இன் ஒரு பகுதியாக இருப்பதே ஒரு சிறப்புமிக்க கௌரவமாகும்; என்னால் இயன்ற வரை இப்பதவிக்கு மேலும் கௌரவத்தைச் சேர்க்க நான் முயற்சி செய்வேன் என்றார் டிஜி.தியாகராஜன். இதுவரை 5000-க்கு மேற்பட்ட சின்னதிரை அத்தியாய தொடர்களையும்40 திரைப்படங்களையும் நான்கு தென்னிந்திய மொழிகளிலும் தயாரித்துள்ளார் தியாகராஜன் சத்யஜோதிபிலிம்ஸ் பட நிறுவனத்தைத் தொடங்கி சத்யா மூவீஸ் என்ற புகழ்பெற்ற படநிறுவனம்மூலம் ரஜினிகாந்த், கமல்ஹாசன், சிரஞ்ஜீவி மற்றும் சிவாஜி கணேசன் போன்ற சூப்பர் ஸ்டார்கள் நடித்துள்ள பல்வேறு வெற்றிப் படங்களையும் இவர் தயாரித்துள்ளார்.
இவரை வழிநடத்திய புகழ்பெற்ற திரைப்படத் தயாரிப்பாளர் மற்றும் திரைக்கதை எழுத்தாளராகிய இராம.வீரப்பன் இவரது மாமனார் தான். இவரது தந்தை வீனஸ் T. கோவிந்தராஜனும் ஹிந்தி உள்ளிட்ட ஆறு இந்திய மொழிகளில் 50-க்கும் மேற்பட்ட திரைப்படங்களைத் தயாரித்துள்ள தேசிய விருது வென்ற திரைப்படத் தயாரிப்பாளராவார்.
