நடிகர் தற்கொலைக்கு காரணமாக கூறப்படும் பட அதிபரிடம் விசாரணை.. ரகசியம் அம்பலத்துக்கு வருமா?

by Chandru, Jul 19, 2020, 10:28 AM IST

சுஷாந்த் சிங் ராஜ்புத் கடந்த ஜூன் மாதம் 14ம் தேதி தற்கொலை செய்து கொண்டார். இது திரையுலகை அதிர்ச்சியில் ஆழ்த்தியது. மும்பை பாந்த்ரா நகர் போலீஸார் இது குறித்து விசாரித்து வருகின்றனர். சுஷாந்த் சிங்கை வாரிசு நடிகர் அவமானப்படுத்தியது அவரது மன அழுத்தத்திற்குக் காரணம் என்று கூறப்பட்டாலும் யஷ் ராஜ் பிலிம்ஸ் (ஒய்ஆர்எஃப்) நிறுவனம் சுஷாந்திடம் 3 படங்களுக்கு ஒப்பந்தம் செய்துவிட்டு அந்த படங்களை எடுக்காமல் காலம் தாழ்த்தியும் மற்ற படங்களில் சுஷாந்துக்கு நடிக்க வாய்ப்பு வரும்போது அவரிடம் ஒப்பந்தத்தைக் காரணம் காட்டி அந்த படங்களில் நடிக்கவிடாமல் செய்ததும் அவரது தற்கொலைக்கு முக்கிய காரணமாகக் கூறப்படுகிறது.

இது பற்றி யஷ் ராஜ் பிலிம்ஸ் நிறுவன அதிபர் ஆதித்ய சோப்ராவிடம் விசாரிக்க வேண்டும் என்று கூறப்பட்டு வந்தது, அவரை நேற்று போலீஸார் அழைத்து விசாரணை நடத்தினர். அப்போது சுஷாந்திடம் போடப்பட்ட ஒப்பந்தம் பற்றியும். அவரை பிற படங்களில் நடிக்க விடாமல் தடுத்தது ஏன்? ஒப்பந்தப்படி படம் தயாரிக்காதது ஏன்? எனச் சரமாரியாகக் கேள்விகள் கேட்டு பதில் பெற்று அதை வாக்குமூலமாகப் பதிவு செய்தனர். இதையடுத்து சுஷாந்த்தின் தற்கொலைக்கான ரகசியம் அம்பலத்துக்கு வருமா என ரசிகர்கள் எதிர்பார்க்கின்றனர்.சுஷாந்த் சிங் ராஜ்புத்துடன் யஷ் ராஜ் பிலிம்ஸ் மூன்று படங்களில் நடிக்க ஒப்பந்தம் செய்திருந்தது. சுதேசி ரொமான்ஸ். துப்பறியும் பியோம்கேஷ் பக்ஷி. பானி. ஆகிய 3 படங்களுக்கு ஒப்பந்தம் இருந்தது.

இதற்கிடையில் சஞ்சய் லீலா பன்சாலியின் 3 படங்களில் நடிக்க வாய்ப்பு வந்தது. அதை ஏற்க முடியாமல் சுஷாந்த் கைகள் கட்டப்பட்டிருந்தது. படங்களை எப்போது தயாரிக்கப் போகிறீர்கள் என்று யஷ் ராஜ் பிலிம்ஸாரிடம் சுஷாந்த் கேட்டு வந்தார். இதையடுத்து பானி படத்தை சேகர் கபூர் இயக்கத்தில் தயாரிப்பதாகக் கூறினர். ஆனால் அந்த படம் திடீரென கைவிடப் பட்டது குறிப்பிடத்தக்கது.முன்னதாக, சஞ்சய் லீலா பன்சாலி தனது தயாரிப்பில் ராம்லீலா, பாஜிராவ் மஸ்தானி மற்றும் பத்மாவத் ஆகிய படங்களில் சுஷாந்திற்கு வாய்ப்பு வழங்க முன்வந்தார். அந்த வாய்ப்புகள் தான் அவரிடமிருந்து நழுவி வேறு நடிகர்களுக்கு சென்றது அந்த 3 படங்களும் வசூலில் பெரிய சாதனை படைத்தது. இது தொடர்பாக போலீசாரிடம் சஞ்சய் லீலா பன்சாலி ஏற்கனவே வாக்கு மூலம் அளித்திருக்கிறார் என்பது குறிப்பிடத்தக்கது.


Leave a reply

Speed News

  • ஜெயலலிதா நினைவு இல்ல வழக்கு..

    ஆக.12ம் தேதி விசாரணை

    ஜெயலலிதாவின் வீட்டை அரசு கையகப்படுத்த எதிர்ப்பு தெரிவித்து அவரது வாரிசுகள் தீபா, தீபக் தொடர்ந்த வழக்குகள் சென்னை உயர்நீதிமன்றத்தில் ஆகஸ்ட் 12ஆம் தேதி விசாரணைக்கு வர உள்ளன.

    சென்னை போயஸ் தோட்டத்தில் உள்ள ஜெயலலிதாவின் வேதா இல்லத்தை நினைவு இல்லமாக மாற்ற தமிழக அரசு நடவடிக்கை எடுத்து வருகிறது. அதன் அடிப்படையில் போயஸ் தோட்டம் அமைந்திருக்கும் 24,000 சதுர அடி நிலத்தை கையகப்படுத்தி அதற்கான இழப்பீடாக 68 கோடி ரூபாய் நிர்ணயித்து நீதிமன்றத்தில் செலுத்தப்பட்டது.

    இதை எதிர்த்து தீபா தொடர்ந்த வழக்கு, தீபக் தொடர்ந்த வழக்குகள் வரும் 12ம் தேதி நீதிபதிகள் வினீத் கோத்தாரி, கிருஷ்ணன் ராமசாமி அமர்வில் விசாரிக்கப்பட உள்ளது. 
    Aug 10, 2020, 14:48 PM IST
  • பிரணாப் முகர்ஜிக்கு கொரோனா..

    முன்னாள் ஜனாதிபதி பிரணாப் முகர்ஜிக்கு கொரோனா தொற்று பாதித்துள்ளது. இதை அவர் தனது ட்விட்டர் பக்கத்தில் தெரிவித்துள்ளார். தான் வேறொரு சிகிச்சைக்காக மருத்துவமனைக்கு சென்ற போது கோவிட்19 சோதனை செய்ததாகவும், அதில் தொற்று உறுதியானதாகவும் கூறியிருக்கிறார். மேலும், தன்னுடன் கடந்த சில நாட்களாக தொடர்பில் இருந்தவர்கள் தங்களை தனிமைப்படுத்திக் கொள்ளுமாறு கேட்டு கொண்டிருக்கிறார். 

    Aug 10, 2020, 14:41 PM IST
  • குஜராத்தி்ல் முகக்கவசம் அணியாவிட்டால்

    ஆயிரம் ரூபாய் அபராதம்..

    குஜராத்தில் மக்கள் வீட்டை விட்டு வெளியே செல்லும் போது, முகக்கவசம் அணியாவிட்டால், ஆயிரம் ரூபா்ய் அபராதம் விதிக்கப்பட உள்ளது. நாளை முதல் இது அமலுக்கு வரும் என்று முதலமைச்சர் விஜய் ரூபானி தெரிவித்துள்ளார். 

    Aug 10, 2020, 14:33 PM IST
  • ராஜஸ்தானி்ல் நாளை மாலை

    பாஜக எம்.எல்.ஏ.க்கள் கூட்டம்..

    ராஜஸ்தானில் அசோக் கெலாட் தலைமையிலான காங்கிரஸ் அரசு உள்ளது. கெலாட்டுக்கு எதிராக சச்சின் பைலட் உள்பட 19 எம்.எல்.ஏக்கள் திரும்பியதால் அரசியல் குழப்பம் ஏற்பட்டுள்ளது. இதையடுத்து, வரும் 14ம் தேதி சட்டசபையில் நம்பிக்கை வாக்கெடுப்பு நடைபெற உள்ளது. இதையடுத்து, ஆளும் காங்கிரஸ், எதிர்க்கட்சி பாஜக ஆகியவை தங்கள் எம்.எல்.ஏ.க்களை ஓட்டல்களில் அடைத்து வைத்திருக்கின்றன.

    இந்நிலையில், நாளை(ஆக.11) மாலை 4 மணிக்கு பாஜக எம்.எல்.ஏ.க்கள் கூட்டம் நடைபெற உள்ளது. பாஜக எம்.எல்.ஏ.க்களில் சிலர் காங்கிரசுக்கு ஆதரவாக மாறலாம் என்ற பேச்சு எழுந்த நிலையில், இந்த கூட்டம் நடைபெறுகிறது. 

    Aug 10, 2020, 14:31 PM IST
  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST

More Cinema News