ஹீரோவை நேரில் சந்திக்க 200 கிலோமீட்டர் நடந்து வந்த உயிர் ரசிகர்.. ரசிகரை நடிகர் பார்த்தாரா, இல்லையா?

சூப்பர் ஸ்டார்கள், டாப் ஹீரோக்களுக்கு லட்சக்கணக்கில் ரசிகர்கள் இருக்கின்றனர். இவர்களில் ஒரு சில ரசிகர்கள் கண்மூடித்தனமாக அந்த நடிகரின் செயல்களை அப்படியே காப்பி அடித்து செய்வார்கள். ஹீரோ ஒரு அறிக்கை விட்டு இதை செய்ய வேண்டுமென்றால் அப்படியே நிறைவேற்றுவார்கள்.தமிழ் ஹீரோக்களுக்கு எவ்வளவு தீவிரமான ரசிகர்கள் இருக்கிறார்களோ தெலுங்கு ஹீரோக்களுக்கும் அதைவிட தீவிர ரசிகர்கள் உள்ளனர். கடந்த ஆண்டு வெளியான அல வைகுந்த புரமலோ படம் அல்லு அர்ஜூன் நடிப்பில் வெளியாகி சூப்பர், டூப்பர் ஹிட் ஆனது. இவரது நடனம் பேசப் பட்டதுடன் தெலுங்கு ரசிகர்கள் மட்டுமல்லாமல் அனைத்து மொழி ரசிகர்களாலும் கொண்டாடப்பட்டது. புட்ட பொம்மா பாடல் பலரது செல்போனில் ரிங்டோனாக மாறியது.

ஆந்திர மாநிலம் குண்டூரில் மாச்சேர்லா என்கிற கிராமத்தைச் சேர்ந்த இளைஞர் அல்லுவின் தீவிர ரசிகர். இவர் நடிகர் அல்லுவை சந்திக்க ஊரிலிருந்து நடந்தே 200 கிலோமீட்டர் ஐதராபாத் வந்தார். இதுபற்றி அறிந்து ஆச்சரியம் அடைந்த அல்லு அவரை வீட்டிற்கு அழைத்து சந்தித்து நன்றி சொன்னதுடன் மரக்கன்றையும் பரிசாக வழங்கினார். இது ரசிகருக்கு பெரு மகிழ்ச்சியை தந்தது.ரசிகரை வாழ்த்தி அவருக்கு அல்லு மரக்கன்று பரிசளித்த படங்கள் நெட்டில் வைரலாகி வருகிறது.

You'r reading ஹீரோவை நேரில் சந்திக்க 200 கிலோமீட்டர் நடந்து வந்த உயிர் ரசிகர்.. ரசிகரை நடிகர் பார்த்தாரா, இல்லையா? Originally posted on The Subeditor Tamil