Thursday, May 13, 2021

தெறி ஐந்து ஆண்டுகள்.. உருகிய அட்லீ!

by Sasitharan Apr 15, 2021, 20:59 PM IST

விஜய் நடித்த தெறி படத்தை அட்லி இயக்கினார். 2016-ஆம் ஆண்டு ஏப்ரல் 16ந்தேதி இந்த படம் வெளியானது. இதில் விஜய் ஜோடியாக சமந்தா மற்றும் எமி ஜாக்சன் நடித்தனர். மறைந்த இயக்குனர் மகேந்திரன், ராதிகா சரத்குமார், நான் கடவுள் ராஜேந்திரன், மனோபாலா, அழகம் பெருமாள் உள்ளிட்டோர் முக்கிய கதாபாத்திரங்களில் நடித்தனர். இந்தப் படம் வெளியாகி இன்றுடன் ஐந்து ஆண்டுகள் ஆகிறது.

இதையடுத்து இயக்குனர் அட்லி இது தொடர்பாக பேசியுள்ளார். ``விஜய் அண்ணா லவ்யூ. கலைப்புலி தாணு சார்க்கு நன்றி. உங்கள் ஆதரவில்லாமல் இந்தப்படம் சாத்தியமில்லை. உங்கள் அர்ப்பணிப்புக்கும், ஆதரவுக்கும் நன்றி சமந்தா. அதேபோல் தெறி படத்துக்கு மீனாவின் ஆதரவை மறக்கவே முடியாது. மகேந்திரன், ஜெகதீஷ், உள்ளிட்டோரது ஆதரவுக்கு நன்றி.

தெறி படத்தை மறக்க முடியாத படமாக மாற்றியமைத்த இயக்குநர் மகேந்திரனுக்கு நன்றி. உங்கள் இழப்பை உணர்கிறோம். நிறைய உங்களிடம் கற்றுக் கொண்டேன். பின்னணி இசை மற்றும் சிறந்த பாடல்களைக் கொடுத்த ஜி.வி.பிரகாஷூக்கு நன்றி. தெறியின் தூண்களில் ஜி.வி.யும் ஒருவர்" என்று உருக்கமாக பதிவிட்டுள்ளார்.

You'r reading தெறி ஐந்து ஆண்டுகள்.. உருகிய அட்லீ! Originally posted on The Subeditor Tamil

READ MORE ABOUT :

More Cinema News

அண்மைய செய்திகள்